408 Acta Apostolicae Sedis - Commentarium Officiale

Sive olim vivens, sive potius post obitum sanctitatis opinione gavisa est,

quamobrem apud Curiam Archiepiscopalem Taurinensem a die 21 mensis

Ianuarii anno 1991 ad diem 4 mensis Iulii anno 1994 instructa est Inquisitio

dioecesana, cuius iuridicam validitatem haec Congregatio approbavit per

decretum datum die 13 mensis Ianuarii anno 1995. Parata Positione, Causa

examinata est a Consultoribus Historicis in Sessione acta die 27 mensis

Octobris anno 2009, atque a Consultoribus Theologis in Peculiari Congressu

habito die 1 mensis Aprilis anno 2014, positivo quidem cum exitu. Patres Car-

dinales et Episcopi die 21 mensis Aprilis anno 2015 congregati in Ordinaria

Sessione, cui egomet, Angelus Card. Amato, praefui, edixerunt Servam Dei

virtutes theologales, cardinales iisque adnexas heroico in gradu exercuisse.

Facta denique de hisce omnibus rebus Summo Pontifici Francisco per

subscriptum Cardinalem accurata relatione, ipse Beatissimus Pater, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Institia, Tem-

perantia et Fortitudine, iisque adnexis, in gradu heroico, Servae Dei Iuliae

Colbert Falletti di Barolo, Christifidelis Laicae, Fundatricis Congregationis

Filiarum a Iesu Bono Pastore, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Maii a.D. 2015.

angelus CarD. amato, s.D.B. Praefectus

L. G S.

G marCellus BartoluCCi Archiep. tit. Mevaniensis, a Secretis