72. De sancta Katharina.

In 1. Vesperis.
Antiphonae.

1. Benedicta sit immensa

sempiterna trinitas,
Quam cognovit inter gentes

Katharina perditas,
Quod nec sexus nec aetatis

amovit fragilitas,
Sed honore passionis

est usa virginitas.
2. Sponsa Christi celebris

Sponso visitatur,
Posita in tenebris

Mire collustratur,
Blande Christus: filia,

Pone metum, inquit,
Sisque constans, gratia

Non te derelinquit.
3. Exspecto pro te gladium,
iesu, rex bone, tu meum
In paradiso spiritum
Colloca placatissimum
Et fac misericordiam
Meam agentibus memoriam.
4. Dum in sancta Katharina,

iesu Christe, coleris,
Memor esto verbi tui,

memor esto muneris,
Quod oranti contulisti,

spes humani generis.

Ad Magnificat.
A. Voce cordis et oris

In laudem sui redemptoris
Consurgat omnis fidelis,

Cuius mediante gratia
Martyr et virgo Katharina
Facto clamore hora matutina
Exivit obviam Christo sponso,
Qui sedet super Cherubim,
Cuncta videns in absconso,
Ferens sertum rosae et lilii
Cum triumpho martyrii
Evasit minas tortorum;
O beata virgo, ora
Iugiter pro reatibus
Supplicum tuorum.

Ad Matutinum.

Invitatorium.

Adoretur virginum rex
in saeculorum saecula,

Virgini qui Katharinae
contulit caelestia.

In 1. Nocturno.
Antiphonae.

1. Decoretur dies ista

devotis obsequiis,
Sic vox sonet, ut mens clamet

internis praeconiis,
Dum beatae Katharinae

detenti sollemniis,
Promoveri flagitamus

eius patrociniis.
2. Prudens virgo

lampade aptata
Intravit cum sponso

ad nuptias Katharina.

3. Germine fecundo

Katharina nitens
Data mundo

antiquae legis
Erat unica

filia regis.
4. Dum creatoris inscius
Rex colit deos impius,

Sidus ut eximium
Mox Katharina emicat,
Unum colendum praedicat,

Patrem, pneuma, filium.
5. Dedit ei Dominus

os et sapientiam,
Cui non potuerunt

sapientes resistere,
Mundi fluminis impetus

laetificat civitatem Dei.

6. Quinquaginta sapientes
Congregati sunt
Adversus eam, ipsi videntes
Prudentiam
Eius admirati sunt
Et commoti sunt
Ad paenitentiam.

In 2. Nocturno.

Antiphonae.

1. Rhetores, qui reprobabant
Trinum Deum, colla dabant

Victi iugo fidei,
Iam caelorum cives digni
Tradi non timentes igni

Se pro nomine Dei.
2. Nocte requirendo

verbum regina salutis
Carceris excubiis

videt emica gaudia lucis.
3. Cum coetu virgineo
Adveniens salvator
Sponsus sponsam pie visitat,
Consolatur et roborat:
Constans esto, ait, filia,
Tecum ego sum, nil paveas.

4. Martyr ut oravit,

gladium subit, aethera scan-
dit,
Sponsus honorque datur,
cum Christo deliciatur.
5. Virginis ex oleo,

quod manat corpore sacro,
Certa medela datur,
morbi genus omne fugatur.
6. Virgo prudens media
Nocte venit obvia
Sponso, ferens oleum,
Lampadem ac roseum
Sertum textum lilio;
Iuncta thoro regio
Tuis, virgo regia,
Pia per suffragia
Obtine cultoribus
Iungi caeli civibus.

Responsoria.

1. Virgo sancta Dei,

Katharina, locum requiei,
Quam possedisti,

quod praestet gratia Christi,
Obtineas genti

te puro corde colenti.
V. ''Quod oculus non vidit, nec
auris audivit, nec in cor ho-
minis ascendit.
''2. Felix regina,

virgo prudens Katharina,
Sponsi caelestis

verax invictaque testis,
Nobis indignis

precibus succurre benignis,
V. Ut pietas Christi,

cuius regnum meruisti,
Nos a peccatis

mundet iungatque beatis.
3. Sponsa Christi

a Christo trahitur,
Tota in spiritu

caelitus rapitur,
Trinitatem intuens

angelis colloquitur,

Ibi moram faciens

ardet et accenditur,
Et ut magis ardeat,

Seraphim efficitur;
V. Praesentia fastidit,

aeterna scrutatur,
Cibatur secretius,

dum Christo coniungitur.

In 3. Nocturno.
Responsoria.
1. Virginis exitio

fit machina saeva rotarum,
Angelico pulsu

perit ingens turba virorum,
Sic non imminuit

corpus mala fabrica sanctum,
V. Ut quondam pueris

fornax Chaldaea pepercit.
2. O Cbristi pietas,

o virtus atque potestas,
Virginis ex membris

sacri fluit unda liquoris,
Unde fides aegris
infundit dona salutis;
V. Virginis ob meritum

manet hoc memorabile signum.

In Laudibus.
Ad Benedictus.
A. Benedictus Dominus,
Qui nos visitavit

Et in conspectu gentium
Iustitiam suam revelavit,
Quod iam dudum prophetico
Praesignatum oraculo
In beatae Katharinae
Declaratur mutatione,
Quae carne soluta hodie
Lac fudit pro sanguine
Et in conspectu gentium
In via mirabili
Ab angelis ducta est
In montem Sinai.

Ad Primam.

A. Christe, salus unica,
Per Katharinae merita
Manum misericordiae
Lapsis benigne porrige
Lavansque nos a sordibus
Redde polorum sedibus.

Ad Magnificat.

A. Ave, virginum gemma Katha-
rina,
Ave, sponsa regis regum glo-
riosa,
Ave, viva Christi hostia,
Tua venerantibus patrocinia
Impetrata non deneges suf-
fragia.