Acta Congregationum 1033

in ipsorum domibus assidue visitabat, curam adhibuit. Quinque ultimis annis

totum ad pastorale ministerium pro infirmis se contulit.

Semper vigilans et alacer, « Pater » (sicut communiter vocabatur) con-

solatione interiore spiritalique directione indigentibus, multis sacerdotibus

ac religiosis comprehensis, opus etiam navavit. Quod secundum generosam

caritatem omni tempore est effectum.

Sollers hilarisque, Pater Pelagius tranquillam itemque tenacem indolem

continenter patefecit. Illius spiritualitas penitus Christiana nitebatur per-

petua conscientia vivendi in alta cum Domino communione, quae oratione

et imprimis fervida celebratione eucharistica fìrmabatur et corroborabatur.

Admodum notus necnon existimatus a vulgo, ad cuius utilitatem singulares

dotes naturales spiritualesque explicavit, Servus Dei omnium necessitati-

bus et incommodis semper occurrit. Cuius amabilis fortisque personalitas

profundae interioritati se mire coniunxit atque amore perfundentis necnon

attrahentis vitae generis fuit causa.

Eius opera pastoralis fidei, in infantia apud familiares iam acquisitae,

cum Christo necessitudine magis magisque imbutae, Dei Verbo et oratione

alitae, plena experientia fundabatur. In Redemptoristarum charismate Ser-

vus Dei proposito suo spirituali, quod peregit cum simplicitate, puritate ac

promptitudine erga materiales intimasque fidelium necessitates, aptissimum

locum invenerat. Omni occasione numquam defuit quo minus evangelicum

nuntium, pauperibus et aegrotis potissimum subveniendo, traderet.

Illius obitus quoque cum caritatis actu est conexus: Servus Dei infirmum

enim adierat, cum, imbre oppressus, gravi peripneumonia est correptus.

Pater Pelagius receptus est in nosocomio, ubi eidem curationes sunt aman-

ter ministratae. Successit tamen emphysema pulmonare, quod una cum

aliis implicationibus senilique consumptione ad mortem eum duxit. Post

hebdomadam, qua excruciatibus est vexatus, Servus Dei die 23 mensis No-

vembris anno 1961 pie in Domine obdormivit. Illus exequiis magna fidelium

participatio clarum fuit signum sanctitatis famae, qua in vita est gavisus.

Hanc ob famam, a die 20 mensis Novembris anno 1997 usque ad diem

21 mensis Martii anno 1999 apud Curiam Episcopalem Goiasensem celebra-

tus est Processus Informativus, cuius auctoritas et vis iuridica Decreto die

1 mensis Iulii anno 2003 ab hac Congregatione de Causis Sanctorum sunt

agnitae Positione confecta, disceptatum est, iuxta consuetudinem, an Servus

Dei more heroum virtutes christianas exercuisset. Die 14 mensis Februa-