ALGERIEN. 7 5

Unde patet, iuxta procuratorem, actoris voluntatem sub' patris imperio mansisse semper prostratam ac exinanitam. Et hoc maiori quidem evidentia splendescit, si attente con- sideretur, magnam pro patre adesse causam vis filio infe- rendae, nam ex nurus dote maxima utilitas suo patrimonio derivaret. Quamvis enim pater inter divites in patria sua recenseretur, eo temporis tamen, quo matrimonii filii sui tractatus initium habuit, ob passa infortunia, aes alienum ad valde conspicuam summam conscendens contrahere de- buerat. Constant haec a plurium testium depositione.

Modo, ad facti demonstrationem descendit patronus ac sustinet, in casu meridiana luce apparere, patrem coactio- nem in filio exercuisse, ideoque eius nuptias cum Paulina null as ac irritas fuisse. Hoc enim non tantum constat, ait ipse, ex iurata infelicis Victoris depositione ; sed plures te- stes, omni exceptione maiores, rite interrogati, utrum pa- ter Victoris preces, instigationes, auctoritatis paternae pres- siones adhibuisset ad hoc, ut filius nuptias invitus contra- heret, uno ore affirmative responderunt.

Cui evidenti probationi adiungitur, inquit orator, ipsa rei confessio, patris nempe qui metum incussit. Ipse enim baratrum in quod filium proiecerat inspiciens, summo do- lore culpam deflevit, ac per totam vitam se ipsum tanti mali auctorem professus est. Haec omnia testibus compro- bantur.

Coactione tali modo probata, actoris patronus gressum facit ad obiectiones refellendas; atque prae primis sustinet nullo modo dici posse, quod, durante contubernio, metus fuerit purgatus et inde matrimonii nullitas sanata. Siquidem post publicationem Conc. Trid. ad matrimoniorum validita- tem , semper requiritur parochi et testium praesentia, uti docet Fagnanus in cap. De Spons. impub. num. 13 « ne- cesse est contrahere coram Parocho et testibus iuxta for- mam praescriptam a Concilio Tridentino ». Ab hac regula casus tantum excipitur, quo nullitas ab occulto exoriatur impedimento. Occultum autem existimatur illud impedimen-