Acta Apostolicae Sedis - Commentarium Officiale236

est aestimatus: « Sanctus est sacerdos - de eo locuti sunt confratres qui ad

eum suos mittebant fideles - magis Dei amicus quam aliorum ».

«Humilis, etiamsi id nesciebat », sicut Manzoni scripsit, paroeciale exer-

cuit ministerium in simplicitate nec non perfecta cotidiana fidelitate: primo

mane surgebat ut oraret et Missam celebraret; aegrotos singulis diebus visi-

tabat quos extremis etiam subsidiis iuvabat; pueros et iuvenes congregabat

et in schola edocebat; eosdem incitabat ut vespere luderent et orarent; in

confessionali peccatores audiebat et in pauperrima canonica excipiebat om-

nes ab ipso consilium petituros.

Tempore quo Iansenii doctrina grassabatur, devotione eminuit erga Eu-

charistiam, instruens suos fideles ad frequentem communionem et adhortans

ut fiduciose paternae Dei misericordiae se traderent.

Eius vita mirandis eventibus signata non fuit, quam tamen heroico minis-

terio fideliter diligenterque oblato impendit. Ab omnibus sanctus sacerdos

considerabatur. Pro omnibus ille « bonus parochus loci Chiuso » factus est. Pie

in Domino obdormivit, uti vixerat, die 13 mensis Aprilis anno 1822: «Mors

eius - Manzoni scripsit - sollemnis eventus fuit et maestus: illis simplicibus

hominibus videbatur universa terra esse permovenda quoniam insignis vir et

iustus eam reliquerat ».

Diffusam ob sanctitatis famam, qua Servus Dei apud clerum et fideles

circumdabatur, Curia Mediolanensis Processum Ordinarium celebravit annis

1864-1867; ob difficilem politicam religiosamque condicionem in qua Ambro-

siana dioecesis versabatur, acta ad Romanam urbem non sunt missa; ac

tantummodo anno 1951, de voluntate beati Cardinalis Ildefonsi Schuster,

devotissimi erga Servum Dei, Processus additicius de sanctitatis fama est

celebratus. Documenta Romam missa sunt. Die 24 mensis Maii anno 1958,

praehabitis faventibus votis duorum Censorum Theologorum, Sacra Congre-

gatio Rituum decretum edidit quo scripta Servi Dei approbavit, atque Posi-

tio typis est mandata. Anno 1972 vulgatae sunt Animadversiones Promotoris

Generalis de Fide, quoniam ad historicam hortabatur inquisitionem perse-

quendam ut quaedam lacunae in curriculo vitae Servi Dei explerentur, pe-

culiari habita ratione eius annorum iuventutis. Eiusmodi Inquisitionibus

expletis, Congregatio de Causis Sanctorum, die 29 mensis Ianuarii anno

1993, decretum vulgavit de processuum validitate. Parata Positione, Con-

gressus Peculiaris Consultorum Theologorum die 20 mensis Aprilis anno 2007

faventem tulit sententiam. Patres Cardinales et Episcopi in Sessione Ordina-

ria die 20 mensis Novembris eiusdem anni, Causae Ponente Excellentissimo