Acta Apostolicae Sedis - Commentarium Officiale756

identitatem, id nempe quod ea est et esse debet secundum Domini consi-

lium ».284 Numquam ideo obliviscendum est « Verbum Dei in matrimonii ori-

gine collocari (cfr. Gn 2, 24) et ipsum Iesum matrimonium includere voluisse

inter institutiones sui Regni (cfr. Mt 19, 4-8) », extollendo ad sacramentum

quod ab origine in humana natura est inscriptum. « In celebratione sacramen-

ti vir et mulier proferunt verbum propheticum mutuae donationis efficax, ut

sint ''caro una'', signum unionis Christi et Ecclesiae (cfr. Eph 5, 31-32) ».285

Fidelitas erga Verbum Dei ducit etiam ad animadvertendum hanc institutio-

nem hodie sub plurimis aspectibus in incursus mentis huius aetatis exponi.

Prae diffusa affectuum turbatione ac recentioribus cogitandi modis qui cor-

pus humanum et differentiam sexualem parvipendunt, Verbum Dei iterum

confirmat originalem bonitatem hominis, qui masculus et femina creatus est,

atque ad amorem fidelem, reciprocum et fecundum vocatus.

E magno mysterio nuptiali provenit responsalitas parentum erga eorum

filios, quae praetermitti nequit. Ad authenticam enim paternitatem et

maternitatem pertinent communicatio ac testificatio sensus vitae in

Christo: per fidelitatem et unitatem vitae familiae coniuges erga suos filios

primi sunt nuntiatores Verbi Dei. Ecclesialis communitas eos sustinere debet

et iuvare ad augendam orationem in familia, auscultationem Verbi,

cognitionem Bibliorum. Quam ob rem Synodus exoptat ut quaelibet domus

sua habeat Biblia eaque digne custodiat, ita ut ea legere possit eaque adhibere

ad orandum. Necessarium subsidium a sacerdotibus, diaconis et laicis recte

paratis praestari potest. Synodus suasit etiam ut parvae constitueren-

tur communitates inter familias ad communiter colendam orationem

meditationemque congruentium locorum Scripturarum.286 Coniuges deinde

meminerint « Verbum Dei auxilium magni pretii etiam in vitae coniugalis

et familiaris adversitatibus praebere ».287

Hanc ad rem desideramus luculenter quoque exponere quod Synodus

hortata est circa munus mulierum in necessitudine cum Verbo Dei. Contributio

« ingenii muliebris »,288 prout Summus Pontifex Ioannes Paulus II illud vocare

consueverat, ad Scripturae cognitionem nec non ad totam vitam Ecclesiae

hodie latior est quam praeterito tempore et ambitum quoque ipsarum

284 Ioannes Paulus II, Adhort. ap. Familiaris consortio (22 Novembris 1981), 49: AAS 74

(1982), 140-141. 285 Propositio 20. 286 Cfr. Propositio 21. 287 Propositio 20. 288 Cfr. Ep. ap. Mulieris dignitatem (15 Augusti 1988), 31: AAS 80 (1988), 1727-1729.