Acta Benedicti Pp. XVI 757

inquisitionum biblicarum respicit. Synodus peculiari modo necessariam

consideravit mulierum missionem in familia, in educatione, in catechesi atque

in communicatione valorum. Ipsae enim capaces sunt quae « Verbi auditum

suscitent, personalem cum Deo relationem cieant, sensum condonationis

et evangelicae condivisionis communicent »,289 sicut etiam sciunt amoris

esse gestatrices, misericordiae magistrae et pacis aedificatrices, caloris et

humanitatis communicatrices in mundo qui saepissime personas aestimat

per languida abusus et lucri criteria.

Orans lectio sacrae Scripturae et lectio divina

86. Synodus saepius in necessitatem institit orantis accessus ad textum

sacrum uti elementum fundamentale spiritalis vitae cuiusque credentis, in

diversis ministeriis et statibus vitae, cum peculiari relatione ad lectionem

divinam.290 Verbum enim Dei fundamentum exstat cuiusque authenticae

christianae spiritalitatis. Hoc modo Patres synodales unanimiter consentiunt

sententiae Constitutionis dogmaticae Dei Verbum: « Libenter igitur [cuncti

fideles] ad sacrum textum ipsum accedant, sive per sacram Liturgiam divinis

eloquiis confertam, sive per piam lectionem, sive per institutionem ad id

aptas aliaque subsidia, quae approbantibus et curantibus Pastoribus Eccle-

siae ubique nostro tempore laudabiliter diffunduntur. Meminerint autem

orationem concomitari debere sacrae Scripturae lectionem ».291 Conciliaris me-

ditatio magnam traditionem patristicam resumere volebat quae semper ac-

cessum ad Scripturam commendavit in colloquio cum Deo. Ut ait sanctus

Augustinus: « Oratio tua locutio est ad Deum: quando legis, Deus tibi loqui-

tur; quando oras, Deo loqueris ».292 Origenes, in hac Bibliorum lectione unus

ex magistris, censet intellectionem Scripturarum magis communionem cum

Christo et orationem postulare, quam inquisitionem ipsam. Ille enim com-

pertum habet viam privilegiariam ad Deum cognoscendum amorem esse, et

authenticam scientiam Christi non dari nisi erga Ipsum amoris flamma fer-

veat. In Epistola ad Gregorium magnus theologus Alexandrinus commendat:

« Praecipue attende divinarum Scripturarum lectioni, sed attente. (...) Et

attendens rerum divinarum lectioni cum fideli et quae Deo placeat anticipata

289 Propositio 17. 290 Cfr. Propositiones 9. 22. 291 N. 25. 292 Enarratio in Psalmos, 85, 7: PL 37, 1086.