Congregatio de Causis Sanctorum 411

Eorundem mortis causa modo in confessione Christi reapse invenienda:

nihil eorum enim valuit, nisi fides, captum inferre et tormenta, quae passi

sunt, et obitum.

Cum apud populum christifidelium mors eorum uti martyrium iamiam

existimata esset, hanc ob famam apud Curiam Archiepiscopalem Triden-

tinam a die 7 mensis Octobris anno 2006 ad diem 17 mensis Octobris anno

2008 Inquisitio dioecesana celebrata est, cuius auctoritas et vis iuridica a

Congregatione de Causis Sanctorum decreto diei 19 mensis Iunii anno 2009

probatae sunt. Positione confecta, iuxta suetum morem, die 27 mensis No-

vembris anno 2014, Congressus Peculiaris Consultorum Theologorum factus

est, in quo prospero cum exitu disceptatum est an Servorum Dei mors verum

martyrium fuisset. Patres Cardinales et Episcopi in Sessione Ordinaria die

5 mensis Maii anno 2015 habita, cui egomet ipse, Angelus Cardinalis Amato

praefui, agnoverunt mortem Servorum Dei ob fidelitatem erga Christum et

Ecclesiam confessam verum martyrium in odium fidei fuisse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Marii Borzaga, Sacerdotis Professi e

Congregatione Missionariorum Oblatorum Beatae Mariae Virginis Immacu-

latae, et Pauli Thoj Xyooj, Christifidelis Laici Catechistae, in odium fidei

interfectorum, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Maii a. D. 2015.

angelus CarD. amato, s.D.B. Praefectus

L. G S.

G marCellus BartoluCCi Archiep. tit. Mevaniensis, a Secretis