ALGERIEN. 77

patre causas metus primitus incussi, nam eidem quam ma- xime necessaria erat Paulinae dos ad reiiciendum familiae patrimonium, iam debitis valde gravatum.

Ideoque, concludit patronus," vix intelligitur, curnam Iudex Algerien, etiam de propriae sententiae firmitate du- bitans, ad regulam confugerit « in dubio standum est pro validitate matrimonii ». Modo enim non agitur de casu cu- iuscumque matrimonii dubii, sed matrimonii dubii ratione metus. Iamvero Barbosa, V ot. Decis. Lib. I, V ot. 137 tra- dit « matrimonium non est favore dignum ; neque pro eius validitate in dubio praesumendum » ; et Sacrum Auditorium cor. Seraphino Decis. 983w « Cum constet (matrimonium) metu esse contractum non debemus ei favere ; nam coactae nuptiae malos exitus habere solent ».

A N I M A D V E R S I O N E S S . V I N C U L I A S S E R T O R I S . E X opposito sa-r cramenti vindex sustinet, haud adesse impedimentum metus ; atque observat in primis translatitium in iure esse quod metus per facta sit probandus. Sane in synopsi decis. 920, n. 16, 17 et 18, coram Molines legitur : « Incussio metus ad an- nullandum actum, tanquam quid facti debet concludenter probari. Et quidem cum ea circumstantia, quod sit metus cadens in constantem virum. Ex quo actus fuerit requisitus cum aliquo calore, non resultat probatio violentiae et me- tus, qui non potuerit evitari a viro constanti ». At iuxta ligaminis defensorem in themate, desunt facta, desunt cir- cumstantiae, sive saevitiarum, sive minarum, sive importu- narum precum, quibus pater Victorium ad matrimonium adigere obnisus est.

Victorius, ait orator, saltem per quinque menses matri- monium constanter adversatus est, ut nunc ipse narrat, eius vero pater continuo eum ad matrimonium cum Pau- lina contrahendum sollicitavit : « Les sollicitations de mon père étaient continuelles. Toutes les fois que je le voyais il me parlait de ce mariage. Je manifestais constamment mes répugnances ». Quapropter facillime Victorius testes afferre potest, qui decantatam suam repugnantiam et sol-