Prooemium.

1. Mater Christi, quem in imis
Peperisti, te inprimis

Adeo pro gratia,
Qua iuvante luculenter
Pura mente ac gaudenter

Proferam sequentia.

2. A venenis me errorum

Et catenis peccatorum,

Virgo clemens, erue

Ac rationis facultatem

Et sermonis veritatem

Abundanter tribue.

3. Reparatrix oberrantis
Et salvatrix desperantis

Scelerum prae pondere,
Tua prece nunc me velis
Culpae faece et a telis

Hostium eripere.

4. Istis mecum, o Maria,
Praesta precum in bac via

Tuarum suffragia,
Qui tuorum mente pura
Meritorum et secura

Concinunt praeconia.

5. Alma, parens Christi Dei,
Omni carens malae rei

Et peccati macula,
Fac me caecum te videre
Atque tecum congaudere
Per aeterna saecula.