Acta Apostolicae Sedis - Commentarium Officiale758

opinione, pulsa quae in iis clausa sunt, et aperietur tibi a ianitore, de quo

dixit Iesus: ''Huic ostiarius aperit''. Et attendens divinae lectioni, recte et

firma in Deum fide eam quaere quae multis abscondita est, divinarum men-

tem litterarum. Verum ne tibi satis sit pulsare et quaerere. Nam maxime

etiam necessaria est ad res divinas intelligendas oratio, ad quam cohortans

Salvator, non solum dixit: ''Quaerite, et invenietis'', et ''Pulsate, et aperietur

vobis'', sed et: ''Petite, et dabitur vobis'' ».293

Attamen, ad tale quod attinet propositum, periculum est vitandum acces-

sus individualistici, considerando quod Verbum Dei nobis datur ad commu-

nionem aedificandam, ad unionem in Veritate agendam nostro in itinere ad

Deum. Verbum est quod unumquemque nostrum alloquitur, sed etiam Ver-

bum quod communitatem aedificat, quod Ecclesiam aedificat. Quam ob rem

ad sacrum textum in ecclesiali communione accedendum est. Etenim « maximi

momenti est lectio communitaria, quia subiectum vivens sacrae Scripturae

est Populus Dei, est Ecclesia... Scriptura ad praeteritum tempus non perti-

net, quia eius subiectum, Populus Dei ab ipso Deo inspiratus, semper idem

est, quocirca Verbum semper vivens est in subiecto viventi. Hanc ob rem

magni ponderis est sacram Scripturam legere et sacram Scripturam sentire in

communione Ecclesiae, cunctis videlicet cum magnis testibus huius Verbi,

inde a primis Patribus usque ad Sanctos nostrae aetatis, usque ad hodiernum

Magisterium ».294

Quamobrem in lectione orante sacrae Scripturae privilegiatum spatium

occupat Liturgia, potissimum Eucharistia, in qua, dum Corpus et Sanguis

Christi in Sacramento celebrantur, ipsum Verbum inter nos praesens

efficitur. Quodammodo lectio orans, personalis et communitaria, semper in

relatione ad eucharisticam celebrationem est vivenda. Sicut adoratio

eucharistica parat, comitatur et eucharisticam liturgiam sequitur,295 ita

lectio orans personalis et communitaria parat, comitatur et altius inspicit

ea quae Ecclesia per proclamationem Verbi in ambitu liturgico celebrat.

Dum in tali stricto vinculo lectio et liturgia ponuntur, melius possunt

colligi criteria quae hanc lectionem conducere debent in contextu actionis

pastoralis et vitae spiritalis Populi Dei.

293 Origenes, Epistola ad Gregorium, 3: PG 11, 92. 294 Cfr. Benedictus XVI, Allocutio ad sacrorum alumnos Seminarii Romani Maioris (19 Fe-

bruarii 2007): AAS 99 (2007), 253-254. 295 Cfr. id., Adhort. ap. postsynodalis Sacramentum caritatis (22 Februarii 2007), 66; AAS 99

(2007), 155-156.