78. De sancto Severo.

In 1. Vesperis.

Antiphonap.

1. Salvatoris gratiam

Veterum devotio

Collaudet et gloriam

Puerorum concio.

2. Omnes gentes Deum laudent,

Qui de tanti sancti gaudent

Miro patrocinio.

3. Animae fidelium

Dei laudent filium,

Qui per suam gratiam

Severum ad perpetuam

Vocavit gloriam.

4. Qui contritos corde sanas,

Sanctum exercentem lanas

Decoras pontificio,

Unde tibi Domino

Decora sit laudatio.

5. Sion Deum suum laudet,

Quia praesul sanctus gaudet

In coelesti patria.

Ad Magnificat.

A. Magnificat fidelium

Conventus Dei filium,

Qui praepotenti gratia

Perficit magnalia,

Pauperem dum sublimavit,

Sublimatum decoravit

Virtute justitiae;

Tua prece nos tuere

Reddens Christi gratiae,

Praesul sacer, o Severe.

Ad Matutinum.

Imitatorium.

Auctorem vitae,

Christum laudare venite,

Pontificem verum

qui vexit ad astra Severum.

In 1. Nocturno.

Antiphcmae.

1. Beatus vir In Domini

dum lege meditatur,

Ut lignum fructiferum

a Deo transplantatur.

2. Beatus vir dum studuit

Servire Deo, meruit

In coelo coronari.

3. A columba dum signatur,

Per ministros tribulatur

Innocens et adjuvatur,

Dum salutem deprecatur.

Responsoria.

1. Dum Ravennae sedes vacat

Mortuo pastore,

Ordo cleri Deum placat

Pio pro rectore ;

V. Beatus In Indicio

Domini consortio

Cleri deputatur.

2. O mira Dei gratia,

Dum stat In ecclesia

Vir laicus, ut oret,

Columba visa tertio,

Pauperem In ostio

Vult clerus ut honoret.

V. Ut Joseph hic Immutatur

Annuloque decoratur

Praesularis gloriae.

3. Dum beati fama crescit,

Uxoris devotio

Non credit sed obstupescit

Viri sacerdotio ;

V. Currit, ut scrutetur verum,

Praesulem videns Severum

Benedicit Domino.

In 2. Nocturno.

Antiphonae.

1. Non mutatur tribulatus,

Dominum Invocavit,

Quem honore praesulatus

Deus mirificavit.

2. Introit In domum Dei,

Orat In timore,

Credentes curat servos

Protectus salvatore.

3. Domine mirabilis,

Per te levatur humilis

Et angelis fit similis

Honore sublimatus.

Responsoria.

1. Indicio non creditur

Primo vel secundo,

Dum vir sanctus caeditur,

Fert animo jucundo.

V. Severus stans In ostio

Columbae fit Indicio

De paupere praelatus.

2. Uxor cedens saeculo

Famulatur sedulo

Domino cum filia,

Mundum vincunt et relinquunt

Carnis desideria.

V. Quod Impossibile est homini,

Fit voluntate Domini.

3. Cordi vocem concordemus,

Laudes Deo decantemus,

Ex Ignaro qui scientem

Et te stulto sapientem

Pie commutavit.

V. Vere est laudabilis,

Qui In sanctis

Suis est mirabilis.

In 3. Nocturno.

Antiphonae.

1. Habitans Severus

In Dei tabernaculis,

Multis pastor verus

Praeclaret miraculis.

2. Virtutes dum coluit

Pontifex beatus,

Coronari mcruit

In Christo confortatus.

3. Hic a Deo benedictus

Christi miles ut Invictus

Transfertur ad gloriam.

Responsoria.

1. Transmigrans a saeculo

Vincentia sepelitur,

Post haec sorte simili

Filia potitur.

V. Ex mandatis sancti patris

Comprimuntur ossa matris

Et dant locum filiae.

2. Celebrata missa rite,

Consummato cursu vitae

Sacrosanctum dum complevit

Praesul donum gratiae,

Inter ossa requievit

Uxoris et filiae;

V. Corpus cujus hic putrescit,

Spiritus In spe quiescit

Cunctorum fidelium.

3. O Dei clementia,

Intuere vota pia

Et dignare nos tueri

Precibus pii Severi,

Per patronum quod adjutis

Verae dona des salutis.

V. Hos ope Severi

digneris, Christe, tueri.

Ad Laudes.

Antiphonae.

1. Firmatus In justitia

Praesul Dei gratia

Accingitur virtutibus,

Ut. regnet In coelestibus.

2. Jubilet fidelium

Grex recolens solemnium

Deprecans pastorem,

Ut fruatur gaudio

In sanctorum atrio

Post vitae laborem.

3. Pastor pius jubili,

Quem corde sitivit,

Quaerens actu simili

Jucundus adivit.

4. Omnis plebs mente fideli

Benedicat Deum caeli,

Qui Severum exaltavit

Et honore praeditavit

Pastoralis gratiae.

5. Instrue, Christe pie,

nos verae laude sophiae,

Tecum laetemur

prece patronique juvemur.

Ad Benedictus.

A. Benedictus pater misericordiae,

Qui Severum. praedestinavit

ecclesiae,

Cujus ope nos adjuti,

Ne damnemur, simus tuti,

Et patrono nos jungamur,

Ut cum Ipso perfruamur

Coelesti laetitia.

In 2. Vesperis.

Antiphonae.

1. Functus sacerdotio

Virtutum praesidio

Psallit coram Domino.

2. In mandatis tuis, Christe,

Perseverat sanctus Iste,

Miles fortis et Invictus

Inter sanctos benedictus.

3. Non est Deo similis,

Per quem levatur humilis,

Ut sit cum principibus

Manens In coelestibus.

i. Sumpto Christi calice

Sacrificans mirifice,

Decantat jam cum gaudio

In sanctorum atrio.

5. Multiplicati seminis

Exhibens manipulum,

Christi consors agminis

Exsultat In saeculum.

Ad Magnificat.

A. Domino magnifice

Decantemus, mirifice

Qui In columbae specie

Humili dans gratiam

Ad coelestem hodie

Severum vocat gloriam.