Quinquagena I.

1. Ave, arbor optima

Optimum dans fructum,
A devota anima

Qui abstergit luctum,
Quo fide promptissima

Credimus reductum,
Adam fraude pessima

Satanae seductum.

2. Ave, meum gaudium
Tu peculiare,
Cuius nunc praeconium
Conor deplanare,

Cordis mei gremium
Digneris mundare,

Ut te ac tuum filium
Dignus sim laudare.

3. Ave, sidus gratiae

Praestans iustis rorem,
Firmamento gloriae

Mirum dans splendorem,
Matri des ecclesiae

Tuum per amorem
Titulum victoriae

Contra bellatorem.

4. Ave, viridarium,

Quod per Dei manum
Satum profers triticum

Et sinapis granum,
Per istum hymnarium

Fac me mente sanum,.
Ne unquam in posterum

Declinem in vanum.

5. Ave, venerabile

Nomen, o Maria,
Saepe iterabile

Miseris in via,
Sis inexpugnabile

Scutum mihi, pia,
Quam laudabo sedule

Hac in hymnodia.

6. Axe, o puerpera

Gignens modo miro,
Nam virtute supera

Feta, non ex viro,
Iudicis me libera

A furore diro
Et adversa tempera

Gratiae butyro.

7. Ave, lux, quam edidit

Omnium creator,
De qua splendor exiit

Adae reparator,
Stipem petens adiit

Te tuus laudator,
Fraude quem impetiit

Impius temptator.

8. Ave, quae ab omnibus

Recte invocans
In necessitatibus,

Nam es stella maris,
Te deprecor attentius

Odis his praeclaris,
Potenter ab hostibus

Ut me tuearis.

9. Ave, domus pauperum
Plena cunctis bonis,
Domus fugientium
Et protectionis,

Auferas obsidium
Tartari draconis,

Nobis dans praesidium
Consolationis.

10. Ave, sacri pneumatis

Templum singulare,
Tenens tymiamatis

Aureum altare,
Digneris charismatis

Donis me mundare,
Valeam ut debitis

Odis te laudare.

11. Ave, virgo splendidam

Mundi luminare,
Terram, caelos, inferum

Potens illustrare,
Pectus meum squalidum

Digneris purgare
Et purgatum septuplum

Purum conservare.

12. Ave, o vehiculum

Aut lucis fenestra,
Quae depellit scandalum

Cunctaque molesta,
Iuva tuum famulum

Stantem in palaestra
Ac post illud saeculum

Ab hoedis sequestra.

13. Ave, lumen gratiae

Communicativum
Omnisque malitiae

Plene expulsivum,
Divinae clementiae

Funde mihi rivum
Salvans me cotidie

Mortuum et vivum.

14. Ave, quae cubiculum

Claustri virginalis
Facis habitaculum

Carnis filialis,
Tuis tuum famulum

Tuta me sub alis,
Ne incurram scandalum

Culpae criminalis.

15. Ave, mater, gaudium

Quae tunc contulisti
Mundo, quando filium

Virgo peperisti,
Hostis aufer proelium,

Quem tunc deiecisti,
Conservans in posterum

Me a casu tristi.

16. Ave, quam fecunditas

Ornat maternalis,
Tibi tamen puritas

Manet virginalis,
Protegat benignitas

Tua nos a malis,
Quos premit iniquitas

Culpae criminalis.

17. Ave, fax o caelica

Mundique lucerna,
Siccans vi deifica

Vitia interna,
O Betblebemitica

Gratiae cisterna,
Da, ne vi Satanica

Trahar ad inferna.

18. Ave, testimonii

Arca singularis,
Quae splendoris nimii

Auro decoraris,
Da manum subsidii,

Pia stella maris,
Constrictis incendii

Venis in amaris.

19. Ave, lux quae tenebras

Mundi detersisti,
Per regales lineas

Orta cum fuisti,
Consolamen praebeas

Menti meae tristi,
Impetrando gratias

Mihi Iesu Christi.

20. Ave, cuius nobilis
Genealogia
Scripta laudum titulis
Est in Isaia,

Serves a periculis
Omnes, o Maria,

Qui te his literalis
Laudant mente pia.

21. Ave, quae tripudio

Maximo gaudebas,
Resurgenti filio

Quando assistebas,
Plus nam cunctis anxio

Corde tunc dolebas,
Mori hunc supplicio

Crucis cum cernebas.

22. Ave, lux luciflua

Fugans umbram mortis
Abigensque nocua

Mulier ut fortis,
Virtutem evacua

Stygeae cohortis,
Prece nos assidua

Redde caeli portis.

23. Ave, mater millies

Cum nato Messia,
Qui sanctorum requies

Est finita via,
Hunc mihi propities,

Clemens o Maria,
Laesum infinities,

Peccator sum quia.

24. Ave, lux, qua caecitas

Fugatur culparum
Simulque obscuritas

Conscientiarum,
Relevamen praebeas

Poenis animarum,
Naturae per lineas

Mihi coniunctarum.

25. Ave, fons, qui arida

Rigas animarum
Abluisque sordida

Lue vitiorum,
Tuorum nunc candida

Mentes laudatorum,
Squalidas insipida

Qualitate morum.

26. Ave, virgo, clipeus

Interfectionis,
Daemonum quo cuneus

Congregationis
Christi stat innocuus,

Meae nationis,
Te exoro, clipeus

Sis defensionis.

27. Ave, splendens lectulus

Summi Salomonis,
Exstans mire floridus

Gratiarum donis,
Assis mihi protinus

Tempore agonis,
Ne tunc tradar manibus

Inferi draconis.

28. Ave, domus figuli

Universitatis,
Per quam sumus singuli

Opus bonum satis,
Aurem praebe famuli

Tui praedicatis,
Quem conturbant aemuli

Vi malignitatis.

29. Ave, quam concentibus

Laudant supernates,
Priscisque temporibus

Quam scripsere vates,
Precamur attentius,

Aufer pravitates,
Ne post poenas acrius

Premant infernates.

30. Ave, delectabilis

Animae dulcedo,
Qua fugatur fiebilis

Culparum acedo,
Purges a piaculis

Viam, qua incedo,
Ne me stringat vinculis

Infernalis praedo.

31. Ave, fons, ariditas

Mentis quo rigatur,
Prece tua pravitas
Eius cum laxatur,

Hinc mea pusillitas
Deum deprecatur,

Ut per te iniquitas
Mea dimittatur.

32. Ave, cuius gratia

Hymnis his desudo,
Quam ornat iustitia

Atque sanctitudo,
Pellat ab ecclesia

Tua lenitudo
Modo quaeque tristia

Ponatque in sudo.

33. Ave, cuius mititas

Atque mansuetudo
Miseris est firmitas

Sive fortitudo,
Per te mea gravitas

Et inquietudo
Tollatur ac pravitas
Nec non turpitudo.

34. Ave, Christi Domini

Nobilis alumna,
Praebens viam homini

Ut olim columna,
Christiano nomini

Sonicos expugna,
Tendentes unanimi

Fraude vel aerumna.

35. Ave, turris gratiae,

Ave turris gregis,
Quae manu potentiae

Tuae tuos tegis,
Subde nos iustitiae

Regulisque legis,
Ut mater clementiae

Quos benigne regis.

36. Ave, mater, ostium

Caelici Augusti,
Per quod caeli gaudium

Intrant omnes iusti,
Aufer desiderium

Hominis vetusti,
Maxime per vitium

Veneris adusti.

37. Ave, virgo, civitas

Milii praeamanda,
Quam construxit trinitas

Cunctis adoranda,
Si me stringit pravitas

Scelerum nefanda,
Quam tua benignitas

Solvat veneranda.

38. Ave, clemens hospita

Mentis peregrinae,
Bonitate praedita

Gratiae divinae,
Supplex rogo, visita

Me in meo fine
Et inferni abdita

Capere non sine.

39. Ave, petra largiter

Olei dans rivos,
Quibus sanas iugiter

Mortuos et vivos,
Confortando dulciter

Subleves activos,
Irriga hilariter

Et contemplativos.

40. Ave, virgo, pauperum

Clemens iudicissa,
Ad solandum miserum

Hominem praemissa,
Corda nostra scelerum

Ense sana scissa,
Iter praebe prosperum

Ad caeli promissa.

41. Ave, fons, qui pocula

Fundis gratiarum,
Satians per saecula

Sitim animarum,
Ablue piacula

Conscientiarum
Per amoris vincula

Mibi coniunctarum.

42. Ave, delectabile

Animae condimen,
Praestans indicibile
Gratiae lenimen,

Auferas tractabile
Hostium molimen

Et onus culpabile,
Boni impedinem.

43. Ave, luna, generans

Nobis caeli rorem,
Qui peccatum medicans

Dei dat amorem,
Sis in me refrigerans

Carnalem fervorem
Odium exterminans,

Iram et livorem.

44. Ave, vestiaria

Domus, qua indutum
Christum credo trabea

Carnis, qua versutum
Stravit per certamina

Eius frangens scutum,
Nobis ad eaelestia

Iter parans tutum.

45. Ave, flumen gratiae

Dans iucunditatem,
Irrigans ecclesiae

Sanctae civitatem,
Stantibus in acie

Contra pravitatem
Hostis da constantiae

Immobilitatem.

46. Ave, lux quae devium

Mundum direxisti,
Quando Dei filium

Carne genuisti,
Super solis radium

Tunc resplenduisti,
Cum ad caeli solium

Assumpta fuisti.

47. Ave, virgo, civitas

Cunctis opulenta
Bonis, in qua foeditas

Nulla est inventa,
Tua, mater, pietas

Ad me sit extenta,
Quem gravat iniquitas

Mille per talenta.

48. Ave, sole clarior

Comparatione,
Luna luminosior

Radiatione,
Mente sapientior

Rege Salomone,
Carne speciosior

Pulchro Absalone.
49. Ave, mater taedium

Auferens a bonis,
Conferens remedium

Consolationis,

Tribuas auxilium

Liberationis
Pressis per incendium

Mortis regionis.
50. Ave, fons clementiae

Profluens levamen,
Quo sumunt ecclesiae

Filii piamen,
Meae conscientiae

Abluas nigramen,
Ut aeternae gloriae

Bonis fruar. Amen.