Congregatio de Causis Sanctorum 423

Pater Franciscus a Passione omnino consecrationem suam religiosi e Con-

gregatione Passionis vixit. In eo fides actuosa sicut et testimonium firmum in

maximis adiunctis vitae exhibentur. Tantae fidei spontaneus maturusque

fructus spiritus pietatis eius et orationis fuit. Aequitas animi eius, omnia

quasi e manibus Dei manantia videntis, apicem extraordinarium attigit exer-

citae spei, et consolatio belli tempore a Servo Dei sine discrimine omnibus in

campis detentionis allata sicut et in ministerio apostolico post bellum patra-

to, tamquam vocis imago resonat.

Sacrificii ac studii spiritus adeo caritatem eius in proximum signavit, ut

bis pro aliis capite damnatis hosti se daret.

Virtutis exemplar, Pater Franciscus iustitiam exercuit, in austeritatis ac

paenitentiae conversatione vixit, fortis fuit in temptationibus, constans in

oboedientia et in castitate, in servitium proximi promptus et tamquam ve-

ram «memoriam vivam Passionis Domini » se ostendit.

Ob multiplicatam in annos sanctitatis famam, qua sive in vita sive post

mortem fruitus est, a die 15 mensis Novembris anno 1989 usque ad diem

14 mensis Iunii anno 1990 apud Curiam Flaviobrigensem beatificationis et

canonizationis Causa inita est per celebrationem Inquisitionis dioecesanae,

cuius auctoritas et vis iuridica a Congregatione de Causis Sanctorum decreto

diei 15 mensis Ianuarii anno 1993 probatae sunt. Positione confecta, die

17 mensis Martii anno 2006, prospero exitu, in Congressu Peculiari Consulto-

rum Theologorum disceptatum est, iuxta consuetudinem, an Servus Dei more

heroum virtutes christianas exercuisset. Patres Cardinales et Episcopi in

Sessione Ordinaria diei 22 mensis Ianuarii anno 2008, audita relatione Excel-

lentissimi Domini Petri Georgii Silvano Nesti, e Congregatione Passionis,

Archiepiscopi em. Camerinensis et Sancti Severini in Piceno, Causae Ponen-

tis, professi sunt Servum Dei Patrem Franciscum a Passione Gondra Murua-

ga virtutes theologales, cardinales iisque adnexas in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Francisci a

Passione Gondra Muruaga (in saec.: Victoriani), Sacerdotis Professi Congrega-

tionis Passionis D.N.I.C., in casu et ad effectum de quo agitur.