Acta Congregationum 77

Hac re anno 1957, sacerdotali ordinatione die 29 mensis Iunii accepta

eiusque Episcopi concessione, quamvis optima non gauderet valetudine, ope-

ras ad pueros parentibus exorbatos Coreae Meridianae auxiliandos incepit.

Die 8 mensis Deembris Asiaticam in regionem illam pervenit.

Gravis et atrox casus videbatur propter bellum, quod viduas, iuvenes

parentibus orbatos, mendicos et pueros in vias multiplicaverat; fere dimidia

pars hominum sine opera erat, hac re, multi scrutaria, macerandae char-

tae commercio sed etiam mendicatione et levibus furtis victitabant. Servus

Dei summa alacritate iis tam miseris condicionibus ministravit ut valetudo

sua laederetur et aliquo tempore in Foederatas Civitates Americae Septen-

trionalis redire deberet. Hac in vice ille pecunias pro pauperibus Coreae

collegit. Mense Decembris anno 1961 Asiam revenit et loci Song-do iuxta

Pusan parochus nominatus est. Vixit pauper cum pauperibus, qui paroeciam

circumstabant, indigentibus subveniens.

Hac vitae ratione Congregationem Sororum Mariae et Fratrum Christi

ut pauperes mente et corde Iesu ministrarentur fundavit. Hac industria

Servus Dei etiam operam institutionis fovit, condens civitatem iuvenum

marium et iuvenum mulierum v.d. Boystown and Girlstown, ut facultas

et spes melius in futurum multis parentibus orbatis et pueris miserrimis

familiis offerentur, et operam dedit ut valetudinaria, domus curationis pro

inopibus et hospitia pro senibus sine habitatione, pro impeditis morbo, pro

pueris minoratis et iuvenibus matribus solis aedificarentur. Iis socialibus

meritis Aloisius ad Praemium Nobelianum bis candidatus est. Res Publica

Coreae, ubi Servus Dei fere per triginta annos ministerium eius gessit,

summo honore civili pro externis decoravit eum et anno 1983 Res Publica

Philippinarum, ubi opera eius valde diffusa est, praemio Ramonis Magsay-

say, quod ab omnibus videtur ut Praemium Nobelianum Asiae, ornaverunt.

Opera eius etiam in Mexico floruit.

Magna humilitas et inconcussus animus, simplici et cohaerenti fide fulti,

Servi Dei spiritualem imaginem delineant. Propositum auxiliandi pauperibus

non e mera humanitate evenit, sed ex spirituali necessitate: enim ille Deo

et Beatae Mariae Virgini multas animas offerre toto corde cupiebat. In con-

dicionibus maxime incommodis ille passus est et sereno animo humilitates,

contumelias, dolores, calamitates difficultatesque sustinuit semper intime

cum Domino et cum Crucis mysterio coniunctus.