77. De sancta Kunegunde.

In 1. Vesperis.
Super Psalmos.
A. Laudabile nomen Domini,
Qui Kunegundi virgini
Post terrenum imperium
Caeli concessit solium.
R. O regina praedicanda,
Kunegundis veneranda,
Regi terrae copulata,

Regi caeli dedicata
Virginali gloria,
V. Fruens mundi deliciis
Sine mundi vitiis
Mira sanctimonia.

Ad Magnificat.
A. Magnificet te, Domine,
In Kunigunde virgine
Omnis plebs fidelium,

Per cuius sanctitatem
Recipit sanitatem

Multitudo languentium.

Ad Matutinum.
Invitatorium.

Adoremus Dominum,
Regem sanctarum virginum,
Qui Kunegundem civibus
Coniunxit caelestibus.

In 1. Nocturno.
Antiphonae.

1. Beata Kunegundis,
Parentela nobilis,
Sed nobilior more,
Nobilissima gloria et honore.

2. Lege Domini immaculata
Conversa est eius anima,
Testimonium Dei fidele
Sapientiam praestans parvulae.

3. Innocens manibus
Aptatis lampadibus
Introivit hodie
Portas regis gloriae.

Responsoria.

1. Virgo mirae castitatis,

Dum regalis dignitatis

Praesideret solio,

Continuit in Domino

Casto matrimonio.
V. Quam pro coniuge rex habebat,

Tamquam sororem diligebat.

2. Liberorum successionem
Per carnalem commixtionem
Exspectare noluit,
Deum heredem voluit,
Cui sua tribuit,
V. Omnem ornatum saeculi
despexit,
Propter honorem Domini,
quem dilexit.

3. Notata est igitur

notamine pcccati,
Quae nunquam contraria

fuit castitati,
Nec defuit

illi hostis tentatio,
In qua nulla criminis

inventa est probatio.
V. ''Diffusa est gratia in labiis
eius, propterea benedixit eam
Deus.''

In 2. Nocturno.
Antiphonae.

1. Regina quondam terrestris

Nunc assistit Dei dextris

In veste deaurata

Ornatu variata.
2. In tribulationibus

Adiuvabat eam Deus.

3. Fundamenta

Fidei in montibus
Sanctis posuit,
Supraque domus posita
A ventis et fluminibus
Moveri non potuit.

Responsoria.

1. Pro fama ergo conversationis
Et gratia expurgationis
Elegit iudicium
Vomerum candentium
V. Propter fidem castitatis

Et spem divinae pietatis.
2. Cumque Deo dilecta,

Quamvis hominibus suspecta,
Ad illud duceretur

iudicium,
Ingemuit et ait
ad Dominum:
V. Iudica iudicium
meum, Domine,
Te testem invoco hodie.
3. Dixit autem virgo pura
Iam vomeres calcatura:

Quod neque Heinricum
Nec quemquam alteram viram
Carnali cognovi crimine,
Sic adiuva me Domine.
V. Hoc dicto nudo vestigio

super vomeres incessit
Et sine adustionis

molestia discessit.

In 3. Nocturno.

Antiphonae.

1. Beata Kunegundis
Cum operibus mundis
Et castitatis gloria
Domini intravit atria.

2. Laetata est in Domino
Virgo gloriae

Et confessa sanctificationis
Eius memoriae.

3. Salutare suum Dominus
Illi notificavit
Et in conspectu gentium
In ea revelavit.

Responsoria.

1. Reginae thorum

immaculatum
Auctor diabolus

inquinatum
Maculare cogitavit,
Quam Deus mundam

comprobavit.
V. Haec est regina

Aethiopiae,
Quae venit audire

verba sapientiae.

2. In casta Christus virgine

Sibi desponsata
Servavit sine crimine

Foedera firmata,
Dum per ignem transiit

Expers laesionis,
Inde virtus prodiit

Divinae iussionis.

V. Ignis eam non tetigit

Nec quidquam contristavit
Neque malum intulit,
Quam fides roboravit.

3. Thesaurum in agro

haec virgo invenit,
Dum Deum patrem in carne

filii repperit,
Quem inventum in corde

suo abscondit
Et cunctis facultatibus

praetulit.
V. Omnia sua vendens

agrum emit,
Quae Christum prae omnibus

dilexit.

In Laudibus.

Antiphonae.

1. Vinculum castae dilectionis
Dominus servavit,
Dum Kunegundis virginis
Innocentiam comprobavit.

2. Integritati

eius testimonium
perhibuit
Et humilitati
custodiam

semper adhibuit.

3. Itaque gloria eius
magis ac magis
proficiebat,
Quia Deum
toto mentis

affectu diligebat.

4. Tandem rex sub vitae fine
Vocatis amicis reginae
Hanc per manum

commendavit illis
Talibus verbis
memoria dignis:

5. Hanc, ecce, inquit
mihi a vobis,

Immo per Christum

consignatam
Ipsi Cbristo

et vobis resigno
Virginem immaculatam.

Ad Benedictus.
A. In sanctitate
et iustitia
Contemnentes
mundi vitia
Serviamus

tibi, Domine,
Cum beata

Kunegunde virgine.

In 2. Vesperis.
R. Deus, pater misericordiae,
Fons totius gratiae,

Per merita

Kunegundis virginis
Nos solve

a nexu criminis,
V. Ut ab aeternis ignibus
Liberemur et daemonibus.

Ad Magnificat.

A. O beata Kunegundis,
Vitiorum in profundis
Nos submersos erige,
Pro nobis preces porrige,
Ut tuo auxilio
De mundi exsilio
Translati liberemur
Et cum Christo gloriemur.