Acta Apostolicae Sedis - Commentarium Officiale240

NOVARIEN.

Beatificationis et canonizationis Servae Dei Mariae Petrae de Micheli (in saec.:

Iosephae Mariae) Sororis Congregationis Filiarum Immaculatae Conceptionis a

Bono Aëre (1890-1945).

DECRETUM SUPER VIRTUTIBUS

«De te dixit cor meum: "Exquirite faciem meam!"; faciem tuam, Domine,

exquiram. Ne avertas faciem tuam a me » (Ps 27, 8-9).

Huic antiqui psalmistae invocationi mire vita Servae Dei Mariae Petrae

v.d. Petrinae De Micheli, in saeculo Iosephae Mariae, adhaesit, quae, Medio-

lani die 11 mensis Septembris anno 1890 nata, ultima ex tredecim filiis fa-

miliae cuiusdam medii ordinis burgensis religiose informatae, ad fontem bap-

tismalem eodem die suo ducta est.

Eventus eminens infantiae eius praecox mors patris fuit, quae maestitiam

quandam super totius eius personae maturationis tractum effusit. Vividum

intellectum Iosepha mox ostendit, sed valetudo corporis, saepius aliqua in-

firmitate laborata, volventibus annis valde eam obstrinxit. Prima puerili

institutione peracta, sartricis arti studuit, sed elementa culturalis eruditionis

haud neglexit, quemadmodum violino cymbaloque et linguis externis vacans.

De spiritualibus bonis valde sollicita, iam inde ab adulescentia in paroecia

sua catechesi pueris tradendae attendit, dum interim frater unus presbyte-

ratu augebatur et sorores duae religiosae fiebant. Quorum exempla vocatio-

nem ad vitam religiosam in iam proclivi animo eius extollere valuerunt.

Post spatium temporis intimae animi reluctationis ob filialem sollicitudi-

nem in matrem, dum vigesimum quartum annum agebat, tamquam novitia

admissa est in Instituto Filiarum ab Immaculata Conceptione de Bono Aëre,

quae nuper Mediolani insederant, nomen sumens Sororis Petrinae. Exinde

titulum magistrae consecuta est, linguam latinam didicit atque linguarum

et musicae studia perrexit. Primam professionem die 2 mensis Maii anno 1915

emisit. Anno 1919 in Domum Matrem Congregationis in Argentina missa est

et anno 1921, post professionem sollemnem, Italiam rediit. In urbe sua natali

novitiarum Magistrae ac Superiorissae vicibus functa est, donec, vertente

anno 1939, Romae munus fundationem novae Domus curandi accepit, cuius

Superiorissa facta est usque ad mortem, et anno 1940 mandatum etiam Su-

periorissae regionalis pro Italia explevit.