390 Acta Apostolicae Sedis - Commentarium Officiale

discesserunt vel viduati solitudine excruciantur, senesque et infirmos a nullo

sustentatos filio, adusque « propter mores vitae vel perditissimos » complec-

tendos.224 Hoc etiam iuvare potest ut fragilitati intellegendae parentum

subveniatur vel saevitiae licentiaeque contra pueros tempestive detegantur

et arguantur, dum eis sanus amor familiareque subsidium tribuitur, quae

parentes suppeditare nequeunt.

198. Illud demum oblivione extingui non potest hac in amplificata

familia socerum etiam socrumque esse et omnes coniugis affines. Urba-

nitas quaedam est amoris cavere, ne qui tamquam aemuli vel periculosi

vel ereptores quoque videantur. Coniugale vinculum exposcit, ut eorum

traditiones ac mores colantur eloquiumque sollicite intellegatur vitupera-

tionesque coerceantur et ipsi curentur ac quodammodo corde excipiantur,

etiam cum tuenda est legitima libertas et intima coniugum consuetudo.

Agendi his modis liberalitas studiosae dilectionis in proprium coniugem

manifestatur.

caput SEXtum

QUIDAM PASTORALES PROSPECTUS

199. Dialogi synodalis itineris duxerunt ad prospectandam necessita-

tem explicandi nova itinera pastoralia, quae conabimur nunc summatim

complecti. Singulae communitates curabunt perficiendas propositiones ap-

tiores et efficaciores, quae considerent tum Ecclesiae magisterium tum lo-

cales necessitates et provocationes. Non praesumimus hic praebere familiae

pastoralem curam, tantum quasdam praecipuas pastorales provocationes

colligere volumus.

familiaE EVangElium HodiE nuntiandum

200. Patres synodales instanter asseruerunt familias christianas, per

gratiam nuptialis sacramenti, principalia esse subiecta curae pastoralis

familiaris, ante omnia afferentes « laetam testificationem coniugum fami-

liarumque, ecclesiarum domesticarum ».225 Quapropter adfirmaverunt « de

experiendo familiae Evangelio uti gaudio agi quod "repleat cor totamque

vitam", quoniam in Christo "sumus liberati a peccato, a moestitia, ab interio-

224 Catechesis (7 Octobris 2015): L'Osservatore Romano, 8 Octobris 2015, p. 8. 225 Rel Syn 2014, 30.