78 Acta Apostolicæ Sedis - Commentarium Officiale

Anno 1989 Sanctae Sedis praelatus honorarius nominatus est. Eodemque

anno cognita sunt signa extremo progressu morbi, qui dictus est sclerosis la-

teralis amyotrophica. Ille laetitia et animo hoc extremum "Dei donum", ut ille

dictitabat morbum, accepit et sustinuit. Corporis immobilitate strictus in sella

rotali cum gaudio suum ministerium non desinit, sed orationem, eucharisticam

adorationem et rosarium auxit. Die 16 mensis Martii anno 1992 Manilae mortali

e vita excessit sepultusque est in loco Silang iuxta Cavite in insulis Philippinis,

in sacello omnino similis illi Sanctuarii Belgae Dominae Nostrae de Banneux.

Fama sanctitatis, qua vita claruit et quae post mortem eius magis auge-

batur, a die 10 mensis Decembris anno 2003 ad diem 29 mensis Maii anno

2004, iuxta Curiam Manilensem Inquisitio dioecesana celebrata est, cui postea

Rogatorialis Inquisitio iuxta Curiam Pusanensem Meridianae Coreae accessit,

quorum iuridica validitas ab hac Congregatione de Causis Sanctorum per

Decretum diei 20 mensis Maii anno 2005 est approbata. Exarata Positione,

secundum normas disceptatum est an Servus Dei virtutes heroum in gradum

excoluisset. Positivo cum exitu, die 6 mensis Martii anno 2014, Peculiaris

Consultorum Theologorum Congressus habitus est. Patres Cardinales et Epis-

copi, die 16 mensis Decembris anno 2014, Ordinaria in Sessione congregati,

me Angelo Card. Amato praesidente, Servum Dei theologales, cardinales et

adnexas virtutes heroicum in gradum exercuisse agnoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Aloisii Schwartz,

Sacerdotis Dioecesani et Fundatoris Congregationum Sororum Mariae et Fra-

trum Christi, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 22 mensis Ianuarii a.D. 2015.

AnGeluS CArD. AmAto, S.D.b. Praefectus

L. G S.

G mArCelluS bArtoluCCI Archiep. tit. Mevaniensis, a Secretis