414 Acta Apostolicae Sedis - Commentarium Officiale

oboedientiam, animi fortitudinem et spem. Mystica ascensione illa sublimavit Domino se offerens ut amoris victimam per votum quod dicitur perfectioris.

Illo tempore aegrotavit et in valetudinario recepta, chirurgica gravi sectio- ne adhibita est. Sequentibus annis Birgitta munus generalis antistitae adhuc exercuit sed variis rebus Instituti et infirma valetudine amplius officium regere nequivit. Anno 1957 definitive Constitutiones Congregationis approbatae sunt et die 30 mensis Martii anno 1960, benedictionis Summi Pontificis Ioannis XXIII solamine, Serva Dei Tusculana in domu sempiterno somno pie conso- pita est. Corpus eius illius pagi in coemeterio inhumatum est et anno 1966 translatum, iuxta sacellum Instituti illius Latialis oppidi conditum est.

Fama sanctitatis iuxta Curiam Episcopalem Tusculanam a die 30 mensis Martii anno 1985 ad diem 30 mensis Martii anno 1987 Inquisitio dioecesana celebrata est, cuius iuridica validitas ab hac Congregatione de Causis Sanc- torum per decretum diei 27 mensis Maii anno 1988 est approbata. Exarata denique Positione disceptatum est secundum normas canonicas an Serva Dei virtutes heroicum in modum excoluisset. Peculiaris Theologorum Congres- sus habitus est die 12 mensis Martii anno 2013, positivo cum exitu. Patres Cardinales et Episcopi Ordinaria Sessione congregati, die 21 mensis Aprilis anno 2015, me Angelo Cardinale Amato praesidente, Servam Dei virtutes theologales, cardinales et adnexas heroum in modum excoluisse agnoverunt.

Facta demum de hisce omnibus rebus Summo Pontifici Francisco per subs- criptum Cardinalem Praefectum accurata relatione, Sanctitas Sua, vota Congre- gationis de Causis Sanctorum excipiens rataque habens, hodierno die declaravit: Constare de virtutibus theologalibus Fide, Spe et Caritate tum in Deum tum in

proximum, necnon de cardinalibus Prudentia, Iustitia, Temperantia et Fortitudine,

iisque adnexis, in gradu heroico, Servae Dei Birgittae Mariae Postorino, Fundatri-

cis Instituti Filiarum a Maria Immaculata, in casu et ad effectum de quo agitur. Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit. Datum Romae, die 5 mensis Maii a.D. 2015.

angelus CarD. amato, s.D.B. Praefectus

L. G S. G marCellus BartoluCCi

Archiep. tit. Mevaniensis, a Secretis