78. De Visitatione BMV.

Ad Processionem.

1. Salve, festa dies, toto venerabilis aevo,

Qua Christi mater visitat Elisabeth.
2. Sidereum virgo postquam paritura parentem

Sumpserat in gremium ventre tumente Deum,
3. Mox montana domum Zachariae petit alta

Cognatam quaerens, laeta salutat eam.
4. Virginis ac sacra cum vox penetraverat auras

Elisabeth, puer in ventre jocando salit.
5. Res est quidem mira, quis talia coeperat alta,

Ut Dominus servum visitet ipse suum.

6. Filius et mater sacrato neumate pleni,
Feta Jesu verba cum prius ediderit.

7. Exclamans magna voce inquit cana senectus:
In mulieribus es tu benedicta magis,

8. Atque tui ventris fructus laudetur in aevum,
Qui mihi cum nato gaudia tanta dedit.

9. Unde mihi veniat quod mater et arca tonantis
Id fieri meritis non reputabo meis.