80. De sancto Zosimo.

In 1. Vesperis.
Super Psalmos.

A. Grande, felix

urbs Syracusia,
Tanti patris

dotata gloria,
Praesens tecum

mater ecclesia
In concordi

mentis melodia
Promat novae

laudis praeconia.

R. O praeclara sacerdotum

Christi natalitia,
Quibus Zosimam ascripsit

in caelesti curia
Lux virtutum, norma morum,

vitae sanctimonia.

V. Inter quorum gloriosa
positum consortia
Advocatum sentiamus
in Dei praesentia.

Ad Magnificat.

A. Laetare, urbs Syracusia,

Sedes sanctorum praesulum,
Quorum sacra patrocinia

Tuentur tuum populum ;
Ergo beati Zosimi

Laus, hymnus et melodia
Oris, vocis et animi

Festivet haec sollemnia.

Alia Antiphona.

Urbs insignis Syracusa
Zosimi per merita,

Tanti praesulis perfusa

Gratia gratuita,
Ore, voce, mente pura

Recole sollemnia,
Cuius ope duratura

Consequeris praemia.

Ad Matutinum.
Invitatorium.

Summo patri modulemur
Melos cordis intimum,

Qui honore praesulari
Decoravit Zosimum,

Inter caeli laureatum
agmen candidissimum.

In 1. Nocturno.

Antiphonae.

1. Plebs fidelis, plebs devota
Urbis Syracusiae,
Funde digna cordis vota
Plausibus laetitiae.

2. In hac die mentis piae
Es affectu intimo
Psallit, gaudet chorus plaudens
Pio patri Zosimo.

3. Hunc coronat morum forma,
Honestatis titulus,
Hunc insignit legis norma
Virtutumque cumulus.

Responsoria.

1. Ut aetatis suae puer
Utitur septennio,
Ad exemplum Samuelis
Divino praesagio
V. Hunc parentum pia mente
Obtulit devotio
Templi celebris Luciae
Virginis obsequio.

2. Huius sanctae zelans florem

Illibati corporis
Dum aspirat ad decorem

Purpurati pectoris,
V. Est adeptus hunc fulgorem

Cumulandi decoris.

3. Sanctus Faustus, pater aedis,
Et adiutrix dextera
Aemulanti sancto actus
Et sanctarum opera
Sacrae martyris commisit
Pretiosa funera,
V. Per virtutem Dei patris
Mundo salutifera.

In 2. Nocturno.
Autiphonae.

1, Cibus ei verbum Dei,
Potus est oratio,
Strati cura mens est pura,
Tegimen dilectio.

2. Carnis fluxum stringit [luxum]
Zona continentiae,
[Repentinam] ne ruinam
Ferat pudicitia.

3. Mundum spernit et secernit
Mentem ab illecebris,

Tuba clangit, et vas frangit
Gedeon, in tenebris

Lux apparet, et sic claret
Dux triumphi celebris.

Responsoria.

1. Sanctus Faustus cunctae carnis
viam ut ingreditur,
Quem assumat in pastorem,
gregis mens suspenditur,
Ad Iohannem, urbis patrem,
tendit, abbas petitur,
V. Sed quem sprevit, Dei nutu
Zosimus eligitur.

2. Quanto gradu dignitatis
Eminet praecelsior,
Tanto nutu caritatis

Cunctis est humilior,
Quo interno mens affectu
Affluebat purior,
V. Gestu, verbo et aspectu
Effulgebat gratior.

3. O laudanda, o miranda
Virtus huius praesulis,
Donans signum laude dignum

Saeculorum saeculis!
Qui ad instar praecursoris
Prototestis luminis
V. Prodit virum et accersit
Revelatum numinis.

In 3. Nocturno.
Antiphonae.

1. Certat clerus, urbs contendit
optione copia,
Cui praestentur praesulatus
apicis insignia.

2. Mox sopitur apud patrem
Sedis apostolicae;
Post laborem praesulatur
Zosimus mirifice.

3. Nam Eliam urget furor
Iezabelis impiae,
Vox ancillae Petram vexat,
Principem ecclesiae.

Responsoria.

1. Sublimatus vitae fama

gestorumque specula

Praesulari vir insignis

insignitur infula,
Per quem signa sanctitatis
fulgent et miracula,
V. Dignum clamat praesulem
clerus et gens incola.

2. Iam insudat vigilanter
praesulis officio,
Non exponens se torpori,

ne tepescat otio,
Ad usuram tradita ta-
lenta (a) numulario,
V. Quae reportat augmentata
duplici commercio.

3. Ut cuiusdam relevaret
pauperis inopiam,
Qua se tegit, vendi iubet
pater vestem propriam.
Dum remordet sui scribae
moram et desidium,
V. In momento vir ignotus
offert auri copiam.

In Laudibus.
Antiphonae.

1. Invitatur

ad sponsi nuptias
Cultor agri,

pater familias,
Nam depromens

carnis exuvias
Vitae stolas

sumit eximias.

2. Dum triturat

messem in area,
Fructu replet

Domini horrea,
Caula lupos,

vulpes a vinea
Arcet tractans

arma siderea.

3. Ut se videt

a mundo exsulem
Fore, sanctum

eligit praesulem
Ne luporum

in morsus [trueium]
Grex in praeceps

effluat [ovium].

4. Benedicat Deum patrem
trina mundi machina,
In quo Zosimus exsultat
inter caeli agmina.

5. Laus decora salvatori
resonet per omnia,
Per quem viget in hoc loco
Zosimi memoria.

Ad Benedictus.

A. Alme praesul Zosime,
Iubar sacerdotum,

Auge mores, reprime
Vitiorum motum,

Serva clerum, protege
Populum devotum

Et in bonum dirige
Utriusque votum.

In 2. Vesperis.
Ad Magnificat.

A. Ave, pater

et pastor optime,
Nostra salos

et vita, Zosime,
Praesta nobis

medelam animae,
Fuga pestem

et morbos adime
Et, qui plausu

laudis uberrimae
Te attollunt,

a malis exime.

ANHANG.

MESSEN.