Congregatio de Causis Sanctorum 241

Iter Sororis Petrinae, cuius testimonium etiam plagulae libelli ab ipsa

vergati praebent, plene in conspectu eius peculiaris devotionis erga Sanctum

Vultum Iesu intellegi potest, quam vix adulescens Serva Dei iam animadver-

tit atque alacriter propagavit. Nam singularis hic Domini cultus Petrinae fuit

fons consolationis in tribulationibus, causa oblationis reparatricis, vocatio ad

orationem et ad contemplationem, fomentum adsiduum sanctitatis. In hu-

mano una et divino Vultu Redemptoris signa invenit immodicae dilectionis

erga humanitatem peccatricem et fervido cum spiritu compassionis cupiit

cum eo sollicitudinem pro salute animarum communicare.

Assidua in prece, saepius in adoratione Eucharistiae subsistebat, ex qua

vitae virtutis vim et alimentum hauriebat. Pietas erga Beatam Mariam Vir-

ginem adeo constans fuit ei calcar imitationis, ut in eius spiritualitate clare

eniteret fides firma et tenaciter in benignam inquisitionem voluntatis Dei

intenta; caritas nava et praesertim in funestissimis eventibus belli eloquens;

maturitas animi in tenaci quoque certamine contra aliquos indolis motus

persecuta; prudens aequitas consilii; habitus humilis et oboediens omnibus

in adiunctis; castimonia serena et libertas ex rebus perfecta.

Nec interioribus signis caruit Iesus, quae Servam Dei in eius diutino

itinere perfectionis et apostolatus excitarent. Etiam vero iniquus hostis certis

efficacibusque indiciis in vitam Sororis Petrinae nefastam suam praesentiam

inhibere haud praetermisit.

In vico vulgo dicto Centonara de Artò in provincia Novariensi, quo, utpote

Superiorissa regionalis pro Italia, expleto bello ad visitandas consorores adie-

rat, Serva Dei febri typhoidi confecta est, quae praecipua fuit causa eius

mortis. Die 26 mensis Iulii anno 1945, oculis ad imaginem Sancti Vultus

deversis, pie in Domino quievit.

Ob celebratam eius sanctitatis famam Episcopus Novariensis a die 12

mensis Februarii anno 1962 ad diem 12 mensis Decembris anno 1968 beati-

ficationis et canonizationis Causam inivit per celebrationem Processus Ordi-

narii Informativi dioecesani et a die 2 mensis Maii anno 1965 ad diem 17

mensis Februarii anno 1968 Processus Rogatorialis apud Romanum Vicaria-

tum, quorum auctoritas et vis iuridica a Congregatione de Causis Sanctorum

decreto diei 20 mensis Martii anno 1992 probatae sunt. Positione confecta,

die 13 mensis Decembris anno 2005, prospero exitu, in Congressu Peculiari

Consultorum Theologorum disceptatum est, iuxta consuetudinem, an Serva

Dei more heroum virtutes christianas exercuisset. Patres Cardinales et Epis-