Acta Benedicti Pp. XVI 761

Synodus insuper innuit ut recitatio antiphonae Angelus Domini inter

cunctos fideles promoveretur. Agitur de oratione simplici et profunda quae

sinit ut a nobis « memoria Incarnati Verbi cottidie renovetur ».305 Aequum est

ut Populus Dei, familiae et communitates virorum mulierumque consecrato-

rum huic Mariali precationi sint fideles, quam traditio nos invitat ad recitan-

dam in aurora, in meridie et in solis occasu. In antiphona Angelus Domini a

Deo petimus ut, Maria intercedente, nobis etiam tribuatur voluntatem Dei,

sicut Ipsa fecit, adimplere atque in nobis eius Verbum accipere. Haec praxis

nobis opem ferre potest ad authenticum mysterii Incarnationis amorem

roborandum.

Operae pretium est ut cognoscantur, aestimentur et diffundantur etiam

quaedam antiquae preces Orientis christiani, quae per relationem ad Theoto-

kos Matrem Dei, totam percurrunt salutis historiam. Cogitamus potissimum

de hymnis Akathistos et Paraklesis. Agitur de hymnis laudis litanico more

cantatis, commixtis fide ecclesiali et locis biblicis, qui fideles movent ad

Christi mysteria simul cum Maria meditanda. Peculiari modo venerandus

hymnus ad Matrem Dei, dictus Akathistos - qui cantatur videlicet stando

- unum ex altissimis constituit testimoniis pietatis Marialis in traditione

Byzantina.306 Orare cum his verbis animam dilatat eamque ad pacem dispo-

nit quae desuper venit, a Deo, ad hanc pacem quae est ipse Christus, natus ex

Maria pro nostra salute.

Verbum Dei et Terra Sancta

89. Dum memoriam facimus Verbi Dei quod in sinu Mariae de Nazareth

caro efficitur, nunc cor nostrum ad illam Terram convertitur ubi mysterium

nostrae redemptionis consummatum est et unde Verbum Dei usque ad fines

terrae diffusum. Nam de Spiritu Sancto Verbum in certo temporis instante

atque in definito loco, in terrae quodam angulo intra fines Imperii Romani,

est incarnatum. Hanc ob rem, quo magis universalitatem et singularitatem

personae Christi perpendimus, eo magis illam Terram grato animo inspicimus

in qua Iesus natus est, vixit et pro omnibus nobis se ipsum tradidit. Lapides

super quos Redemptor noster deambulavit nobis permanent memoria onusti

et Bonam Notitiam « conclamare » pergunt. Idcirco synodales Patres concin-

305 Propositio 55. 306 Cfr. Congregatio de Cultu Divino et Disciplina Sacramentorum, Direttorio su pietà po-

polare e liturgia. Principi e orientamenti (17 Decembris 2001), 207: Ench. Vat. 20, n. 2656-2657.