IANUEN. 81

verba num. 4468 : « Tot sunt in hac nostra collectione decreta, quae declarant ac iubent in funeribus unicam crucem esse elevandam tumulantis ecclesiae, ut, si id demonstran- dum susciperem, inutili improboque me gravarem labore ».

Ipsam vero consuetudinem contra hanc legem, impro- bari contendit Orator , iuxta Const. - Ad perpetuam rei memoriam - diei 17 Iunii 1614 Pauli V, qui mandat Epi- scopis aliisque praesulibus, et Parochis ubique locorum exi- stentibus, ut praescripta a rituali romano inviolate obser- vent. Quare Summus Pontifex Bened. XIII in concilio romano celebrato, anno 1725 Episcopis praecipit « ut con- traria omnia quae in Ecclesiis contra praescriptum Pontificalis romani, et coeremonialis Episcoporum, vel ru- bricaelMissalis, Breviarii, et Ritualis irrepsisse compererint, detestabiles tamquam abusus et corruptelas prohibeant, et omnino studeant removere, quavis non obstante interposita appellatione, vel immemorabili consuetudine ».

Hanc legem, urget Patronus, interpretatur S. Rituum Congreg, in Abellinen, diei 28 Aprilis 1862 , quae repe- ritur in authentica decretorum collectione n. 5352 in qua, proposito dubio « An Parochi civitatis Abellinen., attenta consuetudine elevare possint omnes propriam crucem in funeribus ducendis , cum non accedit Capitulum cathedra- lis, vel unica tantum crux , eaque Ecclesiae tumulantis sit deferenda? » S. R. Congregatio censuit rescribendum prout sequitur - Negative ad primam partem , affirmative ad secundam.

Sed in casu, consuetudinem non vigere favore Cappuci- norum, asserit Advocatus, ex iurata et legali attestatione, seu, uti aiunt, ex actu publicae notorietatis sacerdotum et laicorum, qui ortum et domicilium non interruptum habue- runt in eadem civitate, vulgo Sestri Ponente nuncupata.

Instat Orator , aiens , in summario prostare innumera testimonia sacerdotum et parochorum asserentium cappuci- nos , loci Campi , numquam detulisse propriam crucem in praedictis associationibus funebribus.

Acta, Tom. XXIX. fase. CCCXXXVIIL 6