Acta Apostolicae Sedis - Commentarium Officiale242

copi in Sessione Ordinaria diei 20 mensis Novembris anno 2007, audita rela-

tione Eminentissimi Domini Angeli Cardinalis Comastri, Archipresbyteri

Pontificiae Basilicae Vaticanae, Causae Ponentis, professi sunt Servam Dei

Mariam Petram De Micheli virtutes theologales, cardinales iisque adnexas in

modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Mariae Petrae

v.d. Petrinae De Micheli (in saec.: Iosephae Mariae), Sororis Congregationis

Filiarum Immaculatae Conceptionis a Bono Aëre, in casu et ad effectum de

quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 17 mensis Decembris A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis