Acta Apostolicae Sedis - Commentarium Officiale426

religiosam, quos ipsas inter gentes suscitaverat, aestimatus et honoratus a

christianis uti Patriarcha Birmaniae, putatus a Buddhistis uti vir sapiens et

pacis operator.

Eius sanctitatis fama pervivida manet tum apud dioecesim Kengtunghen-

sem tum in Italia, ubi ille hactenus ob sua scripta missionalia pernotum se

ostendit.

Die 18 mensis Octobris anno 1996 Cardinalis Archiepiscopus Mediolanen-

sis, Carolus Maria Martini, Inquisitionem Dioecesanam inchoavit, quae con-

clusa est die 17 mensis Octobris anno 1998; cuius processus validitatem Con-

gregatio agnovit per Decretum die 7 mensis Maii anno 1999 editum. Exarata

Positione, Congressus Peculiaris Consultorum Theologorum, habitus die 19

mensis Maii anno 2006, prosperam tulit sententiam. Patres Cardinales et

Episcopi, in Sessione Ordinaria die 19 mensis Decembris eiusdem anni con-

gregati, ponente Causae Exc.mo D.no Lino Fumagalli, Episcopo Sabinensi-

Mandelensi, edixerunt Servum Dei Patrem Clementem Vismara in theologa-

libus, cardinalibus eisque adnexis virtutibus exercendis heroicum gradum

attigisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Clementis

Vismara, Missionarii Pontificii Instituti pro Missionibus Exteris, in casu et

ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis