1080 Acta Apostolicae Sedis - Commentarium Officiale

VI.

DECRETA

NEOTONIENSIS GRAECORUM MELKITARUM

De concathedralis erectione

Cum urbs Angelorum in California, intra fines Eparchiae Neotoniensis

exstans, incolarum frequentia opibusque modo crebra, loci opportunitate,

labentibus annis, feliciter susceperit incrementa et christifidelium numero,

industria negotiisque floreat, Exc.mus D. Nicolaus J. Samra, Episcopus

eparchialis Neotoniensis Graecorum Melkitarum, ab Apostolica Sede pos-

tulavit ut, ad aptius tutiusque animarum bonum consulendum, paroeciale

templum in eadem urbe Deo in honorem Sanctae Annae ad dignitatem et

fastigium Ecclesiae Concathedralis eveheretur.

Congregatio pro Ecclesiis Orientalibus, audito favorabili voto Exc.mi

D. Caroli Mariae Viganò, Archiepiscopi titularis Ulpianensis, in Foederatis

Civitatibus Americae Septentrionalis Apostolici Nuntii, vigore specialium

facultatum a Summo Pontifice Francisco PP. sibi tributarum, Catholicae

Religionis firmitatem atque incrementum prae oculis habens, oblatis pre-

cibus annuendum censuit.

Quapropter suppleto, quatenus opus sit, eorum interesse habentium

vel habere praesumentium consensu, quae sequuntur decernit: ut, servata

Eparchiae Neotoniensis Cathedrae Episcopalis dignitate, paroeciale tem-

plum Deo in honorem Sanctae Annae in urbe Angelorum in California

exstans dicatum titulo ac fastigio Ecclesiae Concathedralis decoretur, cum

omnibus iuribus, honoribus et privilegiis ac oneribus et obligationibus quae

huiusmodi Ecclesiis propria sunt.

Ad haec perficienda Congregatio pro Ecclesiis Orientalibus praefatum

Exc.mum D. Carolum Mariam Viganò deputat, necessarias et opportunas

eidem tribuens facultates, etiam subdelegandi, ad effectum de quo agitur,

quemlibet virum in ecclesiastica dignitate constitutum, onere imposito ad

eandem Congregationem, cum primum fas erit, authenticum exemplar actus

peractae exsecutionis remittendi.

Quibus super rebus praesens edit Decretum perinde valiturum ac si

Apostolicae Litterae datae forent.