80 Acta Apostolicæ Sedis - Commentarium Officiale

Serva Dei, ut omne peccatum veniale fugeret atque candorem animi sui

integrum servaret, semper vigilavit.

Anno 1785 eidem, in perfectionis viam iam provectae, etsi sedecim vix

annos nata erat, Virgo Perdolens apparuit et illam ad se Passioni Domini

sociandam vocavit. Teresia sine mora annuit atque dolores interiores, cre-

bras nempe temptationes diabolicas spiritusque ariditatem experiri coepit.

Nihilo minus vires animi, suetam ac serenam frontem retinendo, obstendit.

Asperis corporis macerationibus, scilicet ieiunio, flagellis, cilicio, humi cu-

batione, pane tantummodo et aqua victu frequenti, magnum ad asceticum

studium se contulit.

Anno 1800 Patrem Carolum Franciscum de Bononia, qui triginta sex

per annos illius usque ad mortem confessarius fuit ac moderator spiritus,

cognovit. Serva Dei, ab eo ducta, anno 1801 uti tertiaria saecularis Ordinem

Franciscalem ingressa est et die 15 mensis Octobris anno 1802 vota nun-

cupavit. Post duos interioris purificationis annos Teresia, novo Dei amore

accensa, anno 1804 incepit, praesertim cum Eucharisticam Communionem

receperat, mysticis frui phaenomenis: exstasibus, visionibus, corporis le-

vitationibus, amplexibus cum Domino, locutionibus spiritualibus. Die 25

mensis Iulii anno 1804 stigmata accepit, quae eius rogatu tantum in latere

et pedibus, non vero in manibus, sunt manifeste impressa. Per maximam

ipsius vitae partem donis mysticis in vicem ariditates spiritus successerunt.

Anno 1816 Serva Dei supernaturalibus sponsalium ac matrimonii spiritualis

beneficiis est ornata.

Rebus caelestibus prorsus intenta, vitam suam in verum cultum spiritale

vertit. Temporaneum ac leve tribulationis pondus sustinuit, non contem-

plando, ut Apostolus docet, « quae videntur, sed quae non videntur ». Die 1

mensis Ianuarii anno 1837 Fori Cornelii obiit. Tribus post diebus in eccle-

sia de Observantia nuncupata est sepulta. Ioannis Maria Cardinalis Mastai

Ferretti, Episcopus tunc Imolensis et futurus Pontifex Pius IX, assensus est

ut pulchrum elogium Servae Dei tumulo insculperetur.

Anno 1893 inventum est Diarium, qui Teresiae confessarius et moderator

spiritualis, omnes gratias extraordinarias mulieri largitas explicando, ea-

dem ignara scripserat. Quod sivit tum mysticam illius angustiisque plenam

existentiam comperiri tum apud Curiam Imolensem annis 1910-1911 instrue-

re Processum Informativum super vita et fama sanctitatis. Cuius validitas

iuridica Decreto die 7 mensis Aprilis anno 1995 ab hac Congregatione de