416 Acta Apostolicae Sedis - Commentarium Officiale

erat in fama sanctitatis apud fideles Tronzani. Sanatio eius rapida evenit,

extraordinaria et sine auxilio medicamentorum. Sanatus potuit redire ad

normalem laborem in agris et consuetam vitam relationalem. Mortuus est

anno 1976, octoginta et tres annos agens. Evidens est concomitantia chro-

nologica et nexus inter invocationem Ven. Servi Dei et sanationem saucii.

Super tali sanatione recognoscenda, apud Curiam Vercellensem a die 19

mensis Maii anno 1999 ad diem 12 mensis Martii anno 2002 instituta est

Inquisitio dioecesana, cuius validitas iuridica recognita ab hac Congregatione

decreto diei 5 Decembris 2008. Consilium Medicorum Dicasterii in Sessione

diei 26 mensis Iunii anno 2014 recognovit sanationem ex legibus scientiae

inexplicabilem fuisse. Die 20 mensis Novembris anno 2014 factus est Con-

gressus Peculiaris Consultorum Theologorum. Die 14 mensis Aprilis anno

2015 habita est Sessio Ordinaria Patrum Cardinalium et Episcoporum, cui

praefui ego Card. Angelus Amato. Et in unotroque Coetu, sive Consultorum

sive Cardinalium et Episcoporum, posito dubio an de miraculo divinitus

patrato constaret, responsum affirmativum probatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de miraculo a Deo patrato per intercessionem Ven. Servi

Dei Iacobi Abbondo, Sacerdotis Dioecesani, videlicet de celeri, perfecta ac cons-

tanti sanatione cuiusdam adulescentis a "ferita da punta bidente trapassante il

piccolo bacino destro con ingresso nel perineo, avvenuta in era preantibiotica".

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Maii a.D. 2015.

angelus CarD. amato, s.D.B. Praefectus

L. G S.

G marCellus BartoluCCi Archiep. tit. Mevaniensis, a Secretis