80. De sancto Lamberto.

In 1. Vesperis.
Super Psalmos.

A. O Lamberte pater,

nos nostraque protege sem-
per,
Nos ex more boni

refove curando patroni.

R. Concentu magno

superum generosa propago
Personet altisonis

tellus cum laudibus omnis,
Exsultet nostri

festum recolendo patroni,
V. Cuius continua

prece pertingamus ad astra.

Ad Magnificat.

A. O martyr, gaude

celebri per saecula laude,
Angelicus coetus

fruitur quo compare laetus,
Nosque polo tecum

facias gaudere per aevum.

Invitatorium.

A. Omni Lambertum,

plenum pietate refertum,
Vivere cum verbo
gaudere venite superno.

In 1. Nocturno.

Antiphonae.

1. Inclita Lamberti,

virtutum laude referti,
Festa patris magni

praesentat circulus anni.

2. Hic meritis clarus

cunctisque per omnia gnarus
Fulsit ut aurora

Childrici regis in aula.

3. Ecclesiam largus

tunc rexit Theodoardus
Praesul Treiecto,

qui vixit tramite recto.

4. Sub cuius cura

vicit puerilia iura
Sanctus Lambertus
divino foedere rectus.

5. Post bonus et clarus

fit doctor ad omnia gnarus
Verbis et factis

sacris vitiisque subactis.

6. Praesule defuncto

superis et in aethera iuncto
Hic sublimatur
nutuque Dei dominatur.

Responsoria.

1. Praesul honorandus

et martyr glorificandus
Vico Lambertus

Treiectensi fuit ortus,

V. Miti mente Dei

studuit se subdere legi.

2. Carnalem citharam

suspenderat in crucis aram,
Vita sibi Christus

fuit et mundus crucifixus,
V. Maxima lucra mori

censens reputabat honori.

3. Sanctus collatum

sibi rexit pontificatum.
Factus in exemplar

summi pastoris ad instar,
V. Iustos firmavit,

peccatores recreavit.

4. Signifer insignis,

te sacri pneumatis ignis
Sic inflammarat,

quod frigus non cruciarat;

V. Cancta gubernantis

fuit haec vis magna tonantis.

In 2. Nocturn o.
Antiphonae.

1. Ut sol in centro

relucet splendore corusco,
Hic tam praeclare
fulsit vivendo beate.
2. Primatum nactus

fuit omnibus omnia factus,
Prudens, discretus,
affabilis atque quietus.
3. Mitis, mansuetus

fuit et pro tempore laetus
In discernendo,
ne quid nimis hoc retinendo.
4. Corpore sinceras

et blando corde serenus,
Quod virtutis erat,
hilari vultu peragebat.
5. Ecclesiae natos

per doctrinam renovatos
Fovit, defendit,

duros acriter reprehendit.
6. Sicut apostolicus

vir Christi verus amicus,
Quidquid amoris erat
divini, perficiebat.

Responsoria.
1. Gentiles verbo

domuit pater iste superno,
Convertit mentes

miseras simulacra colentes,
V. Nam bonitate sua

mollivit pectora dura.
2. Caelestis patriae

cives adamans sacer iste
In tuto positos

semper sperabat ad illos,
V. Contemplativae

gaudens dulcedine vitae.
3. Fasciculus murrae,

virtutum plenus odore,

Huic dilectus erat,

sibi dum carnem subigebat,
V. Fama dulcis erat,

quasi nobile tus redolebat.
4. Cocco bis tincto,

Christi charismate uncto,
O pater, ornaris,

bis tinctus amore vocaris,
V. Te nos oramus,

fac, quod Domino placeamus.

In 3. Nocturno.

Ad Cantica.

A. Hunc, quem subvexit,

sanctum sapientia rexit
In saeptis cellae

post sceptrum pontificale.

Responsoria.

1. Ex hinc transactis

bis binis et tribus annis,
Rursus episcopio

relocatur de Stabulao,
V. Plebs dictante Deo

gaudet pastore recepto.
2. Principe cunctorum

nunc instigante malorum
Saevit turba virum

nequam vexando benignum,
V. Invidia plena,

sceleris nullius egena.
3. Sensit post laudes

nocturnas adfore fraudes
Hostiles, precibus

pater instans glorificandus,
V. Nec mora, de tecto

transfixus obit pie telo.
4. Victima sancta Dei

conscendens sidera caeli,
O Lamberte pater,

rege nos et protege semper,
V. Concilians Christo

Domino nos nunc et in aevum,

In Laudibus.
Antiphonae.

1. Hoc Deus in sancto

regnavit robore magno,
Optime praecincto,

Messiae sanguine tincto.
2. Hunc collaudemus

Dominoque Deo iubilemus,
Nostro factori

mens concors consonet ori.

3. Te sitiens, Christe,

suspirabat sacer iste,
Ad te clamavit,

dum prudenter vigilavit.

4. Martyrio dignum

crucis admirabile signum
Hunc demonstravit,

benedicite, iam superavit.

5. Omnia cernentem

laudemus cunctipotentem,
Quo sacer in regno

gaudes, Lamberte, superno.

Ad Benedictus.

A. Rex regam Christus

per saecula sit benedictus,
Qui dedit aeterni

dulcissima gaudia regni
Lamberto sancto,

meritis et nomine magno.

Per Horas.
Ad Primam.

A. Christe, patris verbum,

lumen de lumine verum,

Tu corpas sancti
Lamberti glorificasti.

Ad Tertiam.

A. O quam miranda

Christi pietas et amanda,
Quae fecit sancto

Lamberto iam morituro.

In 2. Vesperis.
Antiphonae.

1. De torrente bibit,

praesentia cancta despexit
Hic sacer ad caelum

migrans, quo regnat in ae-
vum.

2. Iam sublimatas

benedicitur iste beatus,
Gloria, divitiae
vere sibi sunt sine fine.

3. Mire ditatus

cum principibusque locatus
Gaudet apostolicis,
totas congaudeat orbis.

4. Credidit et docuit,

quae voverat, in nece solvit,
Quae pretiosa sibi

fuerat pro nomine Christi.

Ad Magnificat.

iesu Christe pie,

pater omnipotens, miserator
Optime, suscipe laudes has

dignanter ut eius,
Cuius festa recensemus,

meritis tueamur.