Congregatio de Causis Sanctorum 243

BIALOSTOCEN. olim VILNEV.

Beatificationis et canonizationis Ven. Servi Dei Michaëlis Sopoćko Sacerdotis dioe-

cesani (1888- 1975).

DECRETUM SUPER MIRACULO

Servus Dei Michaël Sopoćko die 1 mensis Novembris anno 1888 in Jus-

zewszczyzna, in Polonia, natus est. Presbyter ordinatus, post primum pasto-

ralis ministerii tempus Varsaviam se contulit ut theologiae et paedagogiae

curricula prosequeretur. Quibus expletis varia obiit munera: spiritalis exstitit

moderator et professor in Seminario, superior cuiusdam rectoriae, religiosa-

rum confessarius. Hac usus occasione cognovit et spiritaliter moderatus est

sanctam sororem Faustinam Kowalska, quacum operam communicavit in

nuntio de Divina Misericordia diffundendo. Congregationem condidit Soro-

rum Iesu Misericordis. Bialostocensi in urbe in Domino die 15 mensis Februa-

rii anno 1975 pie obdormivit.

Postulatio Causae, Servi Dei beatificationi prospiciens, examini huius Con-

gregationis de Causis Sanctorum coniectam miram subiecit sanationem Semi-

narii tironis, Marii Jabłoński, viginti annos nati, alumni Seminarii Maioris Bia-

lostocensis, qui, fortem ob depressionem se ipsum vita privare volens, mane diei

24 mensis Ianuarii anno 1993 talem veneni v.d. Lizol portionem sumpsit quae

omnino mortifera considerabatur. Primis detectis signis veneficii, iuvenis in

valetudinarium est exceptus versans in statu semiconscientiae. Omissa lavatio-

ne gastrica, valetudo eius in deterius ruit, quoniam amissione conscientiae, crisi

respirationis, convulsionibus, pallore cutis ac myosi rigida affectus est. In sedem

reanimationis translatus, fistulis respiratoriis subiectus est atque ventilationi

mechanicae cum prognosi admodum reservata.

Vesperi eiusdem diei in sacello Seminarii per intercessionem Servi Dei, olim

professoris eiusdem Instituti, pro Marii sanatione preces effundi coeptae sunt

recitando quoque Coronam et Litanias Divinae Misericordiae; quibus precibus

sociatae sunt Sorores Congregationis Iesu Misericordis. Noctu patiens repente

convalere coepit, conscientiam recuperans et respirationem. Sequentibus diebus

eius condiciones in melius verterunt ita ut iam sanatus haberetur, quapropter

dimissus est e valetudinario die 5 mensis Februarii. Post eiusmodi eventum

residua nociva ex temporis intervallo non apparuerunt.