Acta Benedicti Pp. XVI 763

Patris sinum prospectat, Deum revelavit, quem « nemo vidit umquam » (Io

1, 18). Iesus Christus ad nos venit plenus « gratiae et veritatis » (Io 1, 14), quae

per eum nobis dono dantur (cfr. Io 1, 17); nam « de plenitudine eius nos omnes

accepimus, et gratiam pro gratia » (Io 1, 16). Illa ratione Ioannes evangelista

in Prologo Verbum contemplatur ab eius apud Deum praesentia usque ad

carnis assumptionem, usque ad reditum in sinum Patris, secum deferens

eandem nostram humanitatem, quam ipsum in sempiternum sumpsit. Hoc

in suo exitu a Patre et ad Ipsum reditu (cfr. Io 13, 3; 16, 28; 17, 8.10). Ille

nobis se ostendit veluti Dei « Narratorem » (cfr. Io 1, 18). Filius enim, sic

asserit sanctus Irenaeus Lugdunensis, « est Revelator Patris ».310 Iesus Naza-

renus est, ut ita dicamus, Dei « explicator », quem « nemo vidit umquam ». Is

« est imago Dei invisibilis » (Col 1, 15). Isaiae hic prophetia de Verbi Domini

efficacitate adimpletur: « Quomodo descendit imber et nix de caelo » ut ter-

ram inebrient et germinare eam faciant, sic Dei Verbum « non revertetur ad

me vacuum, sed faciet, quaecumque volui, et prosperabitur in his, ad quae

misi illud » (Is 55, 10s). Iesus Christus definitivum hoc est et efficax Verbum,

quod a Patre exivit et ad eum rediit, in mundo absolute suam efficiens

voluntatem.

Spei « Logon » mundo nuntiare

91. Dei Verbum nobis vitam divinam communicavit quae faciem terrae

transfigurat, nova faciens omnia (cfr. Apc 21, 5). Eius Verbum nos complec-

titur, non modo quatenus divinae revelationis destinatarios, sed etiam tam-

quam eiusdem nuntiatores. Ipse, a Patre missus ut eius faceret voluntatem

(cfr. Io 5, 36-38; 6, 38-40; 7, 16-18), ad se nos attrahit et sua in vita missio-

neque nos illigat. Resuscitati Spiritus sic idoneam nostram vitam reddit ad

efficaciter Verbum toti orbi nuntiandum. Pristinae christianae communitatis

est experientia, quae percipiebat Verbum per praedicationem testificatio-

nemque diffundi (cfr. Act 6, 7). Peculiarem in modum hic ad Pauli apostoli

vitam Nos convertimus, qui a Domino est prorsus comprehensus (cfr. Philp

3, 12) - « vivo autem iam non ego, vivit vero in me Christus » (Gal 2, 20) - et

ab eius missione: « Vae mihi est, si non evangelizavero! » (1 Cor 9, 16), sibi

conscius quod in Christo est revelatum id ad omnium gentium salutem, a

servitute peccati ad liberationem realiter pertinere, ut filiorum Dei in liber-

tatem ingrediantur.

310 Adversus haereses, IV, 20, 7: PG 7, 1037.