83. De sancto Theodgaro.

In 1. Vesperis.
Super Psalmos.
A. Jucundare, plebs Danorum
In honore Theodgari,

Per quem tibi rex coetorum
Fidem fecit praedicari

Et In choris angelorum
Modo facit gloriari.

Ad Matutinum.
Invitatorium.
Festa Theodgari

jubilando praedicet orbis,
Qui solet assidue

cunctis succurrere morbis.

In 1. Nocturno.
Antiphonae.
1. Servus Dei Theodgarus
Semper manens Deo carus
Praedicabat In Dania
Salvatoris magnalia.

2. Ex honestis parentibus
Clarus fuit,

Sed exemplis et moribus
Plus claruit.

3. Ad has oras properando
Videns turbam hominum,
Verbum vitae praedicando
Convertit ad Dominum.

Eesponsoria.
1. Signa Theodgari

divino facta favore
Dania miratur

gaudens ex ejus honore,
V. In confessorem

defigens cordis amorem.
2. Claruit ex ejus

prius ortu terra Thuringa,
Sed docuit gentes
Danorum mellea lingua,
V. In populis brutis

spargebat verba salutis.

3. Ecclesiam primo

castro construxit In Isto,
In qua servivit

devoto pectore Christo;
V. Ore docendo fidem

Christi vigilavit Ibidem.

In 2. Nocturno.
Antiphonae.
1. Veram habens scientiam
Primus Dei per gratiam
Hic Incepit ecclesiam.

2. Nocte, die hic servivit,
Sanctam vitam hic finivit
Propter Jesum, cum quo vivit.

3. Per hunc datur spes Indignis,
Ex praeclaris ejus signis
Totus orbis fit Insignis.

Eesponsoria.
1. Quidam per tenebras
rapientes ossa beata
Visu privatur,

donec sunt ossa relata.
V. Nec cernunt lumen

nec praetereunt rate flumen.
2. Quae pro peccatis

nequit ejus templa subire,
Dum rogat hunc mulier,
loca sancta meretur adire;
V. Cuncta quidem scelera
solvit confessio vera.

3. Ossa licet mediis

fuerint injecta favillis,
Non sensere rogum

sed virtus fulsit In illis;

V. Plebs super altare

stupet haec illaesa volare.

In 3. Nocturno.

Antiphonae.

1. Quosdam nautas desperantes

Ad sepulchrum festinantes

De piratis liberavit

Et In portum collocavit.

2. Non solum hominibus
Ratione utentibus
Creaturis sed et brutis
Conferebat spem salutis.

3. Mulieri foris stanti,

Sacras aedes non Intranti,
Pie sanctus miseretur,
Dum reatum haec fatetur.

Eesponsoria.
1. Compescens tumidum

mare praedonumque rapinam
Liberat hic sanctus

nautas horumque carinam,

V. Dum sua promittunt

et sancto munera mittunt.

2. Quaedam per Satanam

caecata preces dare cepit,
Sanctus compatitur

et visum caeca recepit ;

V. Parcens Insonti

reddit nova sidera fronti.

3. Leprosi sanies

hujus virtute fugatur,
Dum lacrimas offert

et puro corde precatur ;
V. Munda fit Immunda

caro, dum se mundat In unda.

Ad Laudes.
Antiphonae.

1. Quidam lepram exuit
Et purum corpus Induit,
Dum se fletu diluit
Et spem In Deum habuit.

2. Sanctus furem ter caecavit
Et ter visum reparavit,
Cum reatum fletu lavit.

3. Oliva fructifera
Sanctus dici meruit
Sacra propter opera,
Quae vivens exercuit.

4. Ex oliva nascitur
Lumen, cibus, unctio ;
Sic et sanctus dicitur
Triplex adjutorio:

5. Caecis visu proficit,
Multos cibo reficit,
Aegros sanos efficit.

Ad Benedictus.
A. Infirmorum est medela
Factus, caecis est candela,
Plebi claudorum tutela.

In 2. Vesperis.
Ad Magnificat.

A. O confessor egregie,

Protector precantium,

Qui jam fulges In requie
Supernorum civium,

Servis tuis In hac die
Tuum fer auxilium.