84. De s. Thoma Aquinate.

In 1. Vesperis.
Super Psalmos.
A. Felix Thomas, doctor ecclesiae,
Lumen mundi, splendor Italiae,
Candens virgo flore munditiae,
Bina gaudet corona gloriae.

Ad Magnificat.
A. Scandit doctor, civis coelestium,
Orbis decor, lux, dux fidelium,

Norma, limes, lex morum

omnium,
Vas virtutum, ad vitae bravium.

Ad Matutinum.
Invitatorium.

Adsunt doctoris coelici
Thomae festa solemnia,

Devotione supplici
Laudes promat ecclesia.

In 1. Nocturno.
Antiphonae.
1. Doctor Thomas, repletus gratia,
Praemonstratus sacris oraculis,
Mundi, carnis, hostisque vitia
Fugat, exemplar datus saeculis.
2. Mentis Innocentia
Flosque puritatis
Exstiterunt praevia
Luci veritatis.

3. Ope doctoris coelici
Tota gaudet ecclesia,
Fulget ordo Dominici
Peculiari gloria.

Responsoria.

1. Sancti viri verbum propheticum

Praemonstratum mundo miri-
ficum,

Sanctum Thomam, doctorem
coelicum,

Sectaturum patrem Dominicum.
V. Nam vir sanctus hunc matri
gravidae

Ducem prompsit doctrinae lu-
cidae.

2. Christi pia tactus dulcedine
Mundum linquens probatur

turbine,
Pugil fortis raptus de ordine
Vicit prorsus pulsa libidine,

V. Orat pressa cruce mirifica,
Eenes cingit manus angelica.

3. O anima sanctissima,

Qua contemplante dulciter
Corpus linquebat Infima
Stans sursum mirabiliter.
V. Nullo prorsus fultus subsidio
Levabatur In raptus gaudio.

In 2. Nocturno.
Antiphonae.

1. O munus Dei gratiae

Vincens quodvis miraculum,
Pestiferae superbiae

Nunquam persensit stimulum.

2. Prece curat socium
Febrem patientem
Et in ora vestium
Sanguinem fundentem.
3. Stella candens emicat

Stuporem dans insolitum,
Qui instantem indicat
Beati Thomae transitum.
Responsoria.
1. De excelsis fons sapientiae
Sancto Thomae infudit copiam
Tamquam flumen clarae scien-

tiae,
Qui susceptam refundit gratiam,
Dum fluentis summae peritiae
Rigat totam sanctam ecclesiam.
V. Stilus brevis, grata fecundia,
Celsa, clara, firma sententia.
2. Felix doctor, cujus solatio
Angelorum servit attentio,
Petrus, Paulus favent obsequio,
Dei mater mulcet alloquio ;
V. Elevatus a terra cernitur,

Crucifixus ei colloquitur.
3. Sidus missum Thomas de superis
Novo signo divini muneris
Hunc coelestem demonstrant

ceteris
Verbo, vita, doctrina, literis.
V. Quam excelsus, quem coeli
praedicant,
Quam praeclarus, quem stellae
indicant.

In 3. Nocturno.
Antiphonae.
1. Instante vitae termino
Vidit regna coelestia
Et revelante Domino
Novit parata praemia.
2. Seminavit hic largiter
Doctor virtuosus,
Metit illic feliciter
Victor gloriosus.
3. Sidus de nube trahitur,
De foeno flos eligitur,
Adeps de carne tollitur,
Dum Thomas coelo redditur.

Eesponsoria.
1. Scholas Thomae Paulus In-
greditur,
Sacra simul fantur mysteria,
Digne tandem per raptum tra-
hitur
Vir coelestis ad vitae praemia.
V. Clamor fratris trinus emittitur:
Doctor noster a nobis tollitur.
2. Beati Thomae gloria
Divo fulsit miraculo,
Dum odoris fraglantia

Mira fluxit de tumulo,
Qui nitens pudicitia
Vixit absque piaculo.
V. Hic speciali gratia

Lustrato mentis oculo
Celso novit mysteria
Coeli doctus oraculo.
3. Sertum gestans cum torque
duplici,
Caput gemmis ornatum cernitur
Et monili, fulgoris coelici
Lux emissa mundo diffunditur,
Augustinus fratri sic loquitur:
V. Thomas mihi par est In gloria,
Virginali praestans munditia.

Ad Laudes.
Antiphonae.
1. Adest dies laetitiae,

Quo Thomas, doctor Inclitus,
Fit civis coeli curiae
Bina corona praeditus.
2. Aurum sub terra tegitur
Et lucerna sub modio,
Sed virtus Dei cernitur
Miraculorum radio.

3. Alma mater ecclesia,

Christi fundata sanguine,
Sceptra conscendit grandia
Novi doctoris lumine.
4. Pressus VI daemonii
Cito liberatur,
Baptu mersus fluvii
Vitae restauratur.
5. Tumor gulae pellitur,
Leprosus sanatur,
Caeco lumen redditur,
Claudo gressus datur.

Ad Benedictus.
A. Viror carnis flore munditiae,
Vigor vitae fructu justitiae,
Splendor verbi dono scientiae
Te decorant stantem In acie,
Te coronant In statu gloria.

In 2. Vesperis.
Ad Magnificat.
A. Militantis doctor ecclesiae,
Virginali florens munditia,
Triumphantis optata curiae,
Sancte Thoma, largire gaudia,

Per Octavam.
Ad Benedictus.
A. Collaudetur Christus, rex glo-
riae,
Qui per Thomam, lumen ec-
clesiae,
Mundum replet doctrina gratiae.

Ad Magnificat.
A. O Thoma, laus et gloria
Praedicatorum ordinis,
Nos transfer ad coelestia,
Professor sacri numinis.