Quinquagena I.

1. Ave, virgo, cathedra,

Deus qua pausavit,
Quando pacis foedera

Homini dictavit,
Qui per multa scelera

Olim aberravit,
Fraude postquam effera

Hostis illum stravit.

2. Ave, mundi nobilis
Princeps et regina,
Qua largitur credulis
Culpae medicina,

His petitiunculis
Auditum inclina

Et nos a piaculis
Solvere festina.

3. Ave, mater, gratiam
Conferens maerenti
Et per innocentiam
Deo adhaerenti,
Mihi curras obviam

Mundum relinquent,
Statuens ad dexteram
Nato resurgenti.

4. Ave, virgo gratiae

Lumine signata,
Tandem donis gloriae

Privilegiata,
Regi me iustitiae

Commendes, beata,
Contristatum varie

Mea ob peccata.

5. Ave, vellus caelico

Rore delibutum,
Gladio ab hostico

Vatem reddens tutum,
Tuae precis, supplico,

Praebe mihi scutum
In conflictu bellico,

Quo vincam versutum.

6. Ave, benignissima

Pauperum matrona,
Quibus das creberrima

Gratiarum dona,
Defectum, in anima

Patior quem, sana
Et in hora ultima

Assis, mater bona.

7. Ave, rosa carie

Carens atque spina,
Qua caelestis curiae

Gaudet officina
Omnis immunditiae

Munda me sentina,
Auctori nequitiae

Ne fiam rapina.

8. Ave, templum, camera

Portaque serata,
Navis, portus, ancora,

Domus conquadrata,
Tu per Dei munera

Mire decorata
Es et super sidera

Tandem elevata.

9. Ave, veris primula,
Virgo, flos pudoris,
Trinitatis cellula,
Mater salvatoris,

Aufer mala singula
Mei peccatoris,

Quibus premor sedula
Fraude temptatoris.

10. Ave, mundi domina,

Regina iustorum,
Cui laudes agmina

Pangunt angelorum,
Meorum ligamina

Solve peccatorum
Et aufer molimina

Adversariorum.

11. Ave. candens lilium

Flosque castitatis,
Devotarum mentium

Redolens in pratis,
Roga tuum filium,

Mater bonitatis,
Ut praestet auxilium

Cunctis tribulatis.

12. Ave, sidus radians,

Lumen salutare,
Peccatum exterminans

Potens propulsare,
Digneris me miserans

Nunc illuminare,
Ne per probra cespitans

Cogar oberrare.

13. Ave, mater pariens

Modo speciali
Et intacta permanens

Flore virginali,
Cor meum desipiens

Culpa prae mortali
Sis in domo instruens

Sapien tiali.

14. Ave, quam inebriat

Gratiae piscina,
Et semper irradiat

Caelica doctrina,
Tua prece protegat

Me virtus divina,
Hostis ne decipiat

Fraus me viperina.

15. Ave, arca foederis

Auro rediimta
Filii in dexteris

In caelo nunc sita,
Intus atque deforis

Virtute nos dita,
Ne iungamur miseris

Hac finita vita.

16. Ave, funda Davidis,

Quae iecit lapillum
In Goliae praesidis

Caput, sternens illum,
Precibus me validis

Subleva tantillum,
Protegens a rabidis

Tempus da tranquillum.

17. Ave, superbissimi

Victrix Holofernis,
Quam cantus dulcissimi

Laudant in supernis,
Non me sinas supprimi,

Precor, in internis,
Quem invadunt pessimi

Motus, sicut cernis.

18. Ave, regis gloriae

Mater benedicta,
Sic vero iustitiae

Sole stans amicta,
Nostrae iniustitiae

Tollere delicta
Satage, nam gratiae

Tu es mater dicta.

19. Ave, virgo Aaron

Divo flore plena,
Dicto bomousion

In synodo Nicaena,
O sancta theotocon,

Cor meum serena
Et caelestis me Sion

Perduc in amoena.

20. Ave, quae veridice
Rubus appellaris,
Cum concupiscentiae
Igne non uraris,

Duodenis mystice
Stellis coronaris,

Ideo prophetice
Stella Iacob faris.

21. Ave, cuius placuit

Deo caelibatus,
Unde carnem induit

Ex te incarnatus,
Hic pro nobis doluit

In cruce levatus
Et nostrorum diluit

Scelerum reatus.

22. Ave, profundissimae

Fons benignitatis,
Potum dans largissime

Corde tribulatis,
Ignis acerbissime

Poenis profligatis
Porrige dulcissimae

Manum pietatis.

23. Ave, terrae gloria

Et regina poli,
Famae tuae gratia

Comparata soli,
Gravatos tristitia

Pertransire noli,
Sed tua clementia

Recommenda proli.

24. Ave, regis gloriae

Genetrix beata,
Es misericordiae

Mater nominata,
Pande portas veniae,

Clemens advocata,
Nostrae ignorantiae

Diluens peccata.

25. Ave, ros o caelice,

Ros miri dulcoris,
Quo flos carnis deicae

Crevit salvatoris,
Flammam luxus abice

A claustro pudoris,
Quae saevit barbarice

Intus atque foris.

2G. Ave, o credentium

Frinceps et patrona,
In terra viventium

Regnans sub corona,
Audi te colentium

Preces aure prona,
Pro nobis ad filium

Ut loquaris bona.

27. Ave, clementissima

Mundi imperatrix,
Quae Stygis fortissima

Es evacuatrix,
Ad te, benignissima

Pauperum amatrix,
Clamat ut peripsima

Mea mens peccatrix.

28. Ave, virgo celebris

Baiulans secretum.
Quod mittendum miseris

Dudum est decretum,
Cor meum illecebris

Noxisque repletum
Mundatum a tenebris

Fac in Deo laetum.

29. Ave, fons solacii,

De te praesumentes
Replens et auxilii

Dono indigentes,
Ad te clamant filii

Matris Evae flentes,
Mater veri lilii,

Respice gementes.

00. Ave, honorabile

Vas divinitatis,
Exemplar laudabile

Omnis puritatis.
Cor meum fac habile

Tuis praedicatis,
Vas abominabile

Factum in peccatis.

31. Ave, praeclarissima
Virgo, mater Dei
Eiusque dignissima
Domus requiei,

Vitiorum concrema
Spinas cordis mei,

Ne in hora ultima
Poenas feram rei.

82. Ave, patris filia

Desuper tonantis,
Cuncta exsistentia

Per verbum creantis,
Exaudi suspiria

Ad te proclamantis
Et pro indulgentia

Devote orantis.

33. Ave, sponsa Dobilis

A Deo electa,
Bene propugnaculis

Virtutum protecta,
Fuisti ab angelis

Semper circumspecta.
Ut a calpae maculis

Esses insuspccta.

34. Ave, rubens rosula,

Tuum per odorem
Hostis pellens iacula

Eiusque terrorem,
Auferas piacula

Christi per amorem
Carnis, mundi, scandala

Stygisque horrorem.

35. Ave, fons laetitiae,

Fons patens hortorum,
Pellens potu gratiae

Sitim peccatorum,
Vitium superbiae,

Virus animorum,
Aufer et luxuriae

Ignem Chaldaeorum.

36. Ave, virga prodiens

De radice Iesse,
Fructu tuo cupiens

Omnibus prodesse,
Lolium sis abigens

Fidei ex messe,
Semper ut proficiens

Sit ad bene esse.

37. Ave, hortus gratiae,

Hortus voluptatis,
Plantatus potentiae

Manu deitatis,
Murram paenitentiao

Dona mihi gratis,
Ne damner iustitiae

Lege pro peccatis.

38. Ave, decus, virginum,

O mater Maria,
Expiatrix criminum,

Naufragantum via,
Circa vitae terminum

Assis mihi, pia,
Defendens a daemonum

Turpi phantasia.

39. Ave, quam Ezechiel

Scriptis revelavit
Portam, quam Emmanuel

Solus subintravit,
Angelus quem Gabriel

Tibi nuntiavit,
Tempore quem Israel

Longo expectavit.

40. Ave, gemma nobilis

Ardens ut candela,
Quae plus cunctis gemmulis

Vales in medela,
Mortis in periculis

Te nobis revela
Hostis invisibilis

Abigendo tela.

41. Ave, stirps Davidica

Qua flos Isaiae
Crevit vi deifica

In carne Messiac,
Ipsi me unifica

Modo matris piae,
Ut ducar ad caelica

In extremo die.

42. Ave, cui carmina

Pangunt omnes sectae
Per baptismi flumina
Gratiam adeptae,

Pietatis lumina
Super nos reflecte

Et ad caeli culmina
Perducas directe.

43. Ave, Iesse virgula,

Quam praecinuerunt
Priscorum oracula,

Qui de te scripserunt
Ante multa saecula

Teque laudaverunt,
Aufer mundi scandala,

Quae invaluerunt.

44. Ave, virgo, splendidum

Templum verae pacis,
Ab hostis intrepidum

Fraude stans minacis,
Amoris me calidum

Fac igne fornacis
Gratiaque humidum

Olivae feracis.

45. Ave, virgo, civitas,

Quam sanctificavit
Sempiterna trinitas

Et inhabitavit,
Pneumatis benignitas

Tibi obumbravit,
Filii humanitas

Te glorificavit.

1(3. Ave, virga aurea

Principis Assueri,
Holofernis framea

Iudith es severi,
O mater eburnea,

Christi regis veri,
Ordinis erronea

Aufer cuncta cleri.

47. Ave, carens omnibus

Peccatorum naevis,
Qua in mulieribus

Non est maior quaevis,
Adiuva me precibus,

Qui sum vita brevis,
Ut sit in maeroribus

Labor meus levis.

48. Ave, mater gratiae,

Ave fons salutis,
Haustum sapientiae

Fide dans imbutis,
Rege per iustitiae

Donum et virtutis
Statum ignorantiae

Meae senectutis.

49. Ave, rosa nobilis
De spinetis Evae
Orta, carens maculis
Sed culpae primaevae,

Praesta tuis famulis
Per id carmen breve,

Ne finitis saeculis
Parti demur laevae.

50. Ave, consolatio

Meumque levamen,
Ex cuius suscipio

Dono recreamen,
En, ad te confugio

Tuum defensamen
Petens, ne pro vitiis

Poenis tradar. Amen.