Congregatio de Causis Sanctorum 245

NEAPOLITANA

Beatificationis et canonizationis Ven. Servae Dei Mariae Iosephinae a Iesu Cruci-

fixo (in saec.: Iosephinae Catanea) Monialis Professae Ordinis Carmelitarum

Discalceatarum (1894-1948).

DECRETUM SUPER MIRACULO

Venerabilis Serva Dei Maria Iosephina a Iesu Crucifixo (in saeculo: Iose-

phina Catanea) Neapoli die 18 mensis Februarii anno 1894 nata est. Ordinem

Carmelitarum Discalceatarum ingressa in monasterio Sanctae Mariae ad Pon-

tes Rubros in eadem natali civitate, consecrationem suam summa cum be-

nignitate vixit, licet gravium diuturnarumque infirmitatum crucem studio-

sissime deferret. Virtutibus charismatibusque suis rapti, permulti ad preces

et consilia eius confugiebant. In extremis vitae suae diebus superiorissa etiam

fuit communitatis. Magna ac solida sanctitatis fama circumfusa, die 14 men-

sis Maii anno 1948 Patris caelestem domum rediit.

Eodem anno mortis, Causa beatificationis et canonizationis iniit et die 3

mensis Ianuarii anno 1987 Summus Pontifex Ioannes Paulus II Servam Dei

virtutes theologales, cardinales et his adnexas heroico gradu coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum nuper assertam subiecit miram sanationem infantis

Francisci Natale, duos menses aetatis agentis, qui iam ad ortum eo asphy-

xiam cum cordis pulsu et respirationis absentia ostendebat ut biduo in ma-

china incubationis per oxygeni inductionem aliaque remedia halitus degisset.

Quibus curis expletis, post duas hebdomadas ab ortu, provecta valetudi-

ne, a nosocomio dimissus est, sed, altero mense vitae, die 19 mensis Iunii

anno 1999, iterum acutae respirationis difficultatis causa in aliud nosoco-

mium Neapolitanum protinus receptus est. Infans cyanosim ostendebat, re-

spirationis absentiam, musculorum relaxationem, reactionis defectum et fle-

tum querulum. Postridie, die 20 mensis Iunii, condiciones vero in gravius

ruerunt, cum convulsionum signa pusillus ostendere coepit. Clinicae investi-

gationes in utroque hemispherio cerebrali diffusas protulerunt laesiones,

punctura lumbaris vero magnam pressionem liquoris ob nimiam sanguinis

tensionem in cranio et oedema cerebrale exhibuit.

Condiciones infantis gravissimae erant. Prognosis infausta quoad valetu-

dinem iam dicebatur, cum magna nocumenta in cerebro praeciperentur. Ve-

spere diei 21 mensis Iunii, parvuli parentes una cum communitate Carmeli-