Congregatio de Causis Sanctorum 429

Ob celebratam Servae Dei sanctitatis famam, quae iam tempore vitae in

mundo effulserat atque increvit post mortem, die 27 mensis Maii anno 1990

apud Curiam Lucensem beatificationis et canonizationis Causa inita est per

celebrationem Inquisitionis Dioecesanae, die 27 mensis Septembris anno 1992

conclusae, cuius auctoritas et vis iuridica a Congregatione de Causis Sancto-

rum Decreto diei 1 mensis Octobris anno 1993 probatae sunt. Positione con-

fecta, die 20 mensis Octobris anno 2006, prospero exitu, in Congressu Pecu-

liari Consultorum Theologorum disceptatum est, iuxta consuetudinem, an

Serva Dei more heroum virtutes christianas exercuisset. Patres Cardinales

et Episcopi in Sessione Ordinaria diei 18 mensis Decembris anno 2007, audita

relatione Excellentissimi Domini Othorini Petri Alberti, Archiepiscopi eme-

riti Calaritani, Causae Ponentis, professi sunt Servam Dei Matrem Gemmam

Magdalenam a Iesu Giannini virtutes theologales, cardinales iisque adnexas

in modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Gemmae

Magdalenae a Iesu Giannini (in saec.: Euphemiae), fundatricis Congregationis

Missionariae Sororum Sanctae Gemmae Galgani, in casu et ad effectum de quo

agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis