Acta Benedicti Pp. XVI 765

Verbum et Dei Regnum

93. Itaque Ecclesiae missio non realitas quaedam est habenda quae ex

voluntate et additamento vitae ecclesialis pendet. Res eo tendit ut sinatur

Spiritus Sanctus ipsi Christo nos assimilare, ad eandem eius missionem sic

participandam: « Sicut misit me Pater et ego mitto vos » (Io 20, 21), ita ut

Verbum tota cum vita communicetur. Ipsum Verbum nos in fratres impellit:

Verbum nempe quod illuminat, purificat, convertit; nos servi tantummodo

sumus.

Oportet igitur ut sollicitudo ac pulchritudo rursus detegantur Verbum

nuntiandi, ut Dei Regnum adveniat, ab ipso Christo praedicatum. Ad hanc

sententiam conscientiam renovamus, quod suetum fuit Ecclesiae Patrum,

Verbi enuntiati argumentum esse Dei Regnum (cfr. Mc 1, 14-15), ipsam esse

personam Iesu, (autobasileian) - ut suadenter memorat Origenes.313 Dominus

omnium aetatum hominibus salutem praebet. Omnes nos intellegimus quam

sit necessarium ut Christi lumen omnem humanitatis ambitum collustret:

familiam, scholam, culturam, opus, otium ceterasque vitae socialis provin-

cias.314 Non agitur de verbo solaminis nuntiando, sed de verbo diruptionis,

quod ad conversionem vocat, quod aditum reserat ad Eum conveniendi, per

quem nova humanitas floret.

Omnes baptizati nuntiandi officio tenentur

94. Quandoquidem omnis Dei Populus est populus «missus », Synodus

confirmavit: « Omnibus Iesu Christi discipulis ob baptismum acceptum com-

missum est, ut divinum Verbum proclament ».315 Nullus in Christo credens ab

hoc officio se alienum esse putare potest, quod ex sacramentali Corporis

Christi participatione oritur. Conscientia haec in unaquaque familia, paroe-

cia, communitate, consociatione ecclesialique motu est concitanda. Ecclesia,

ut communionis mysterium, tota utique est missionaria atque unusquisque

pro suo vitae statu vocatur, ut operam christiano nuntio efficaciter det.

Episcopi et sacerdotes pro cuiusque missione primi vocantur ad exsisten-

tiam quandam famulatu Verbi devinctam, ut Evangelium nuntient, sacra-

313 Cfr. In Evangelium secundum Matthaeum 17, 7: PG 13, 1197 B; S. Hieronymus, Translatio

homiliarum Origenis in Lucam, 36: PL 26, 324-325. 314 Cfr. Benedictus XVI, Homilia dum inauguratur XII Coetus Generalis Ordinarius Synodi

Episcoporum (5 Octobris 2008): AAS 100 (2008), 757. 315 Propositio 38.