Congregatio de Causis Sanctorum 83

fortitudine. Multae progenies quas edocuit, ob bonitatem subtilitatemque

eam iugiter solebant memorare.

Die 17 mensis Novembris anno 1899, relicta Tudela, una cum quibus-

dam sociis locum v. d. Talavera de la Reina petivit, ubi novam instituerunt

Societatis domum. Cuius moderatrix fuit ab anno 1915 usque ad annum

1921 nec non ab anno 1925 usque ad annum 1928. Anno 1931 Legovicum

in Francogallia est missa ut rationem huius communitatis cognosceret quae

incolumis politicam instabilitatem et vexationem in religionem superavit.

Postea communitates noverat in Orduna et Sebastianopoli. His in locis

humilitatis et singularis caritatis memoriam reliquit. Post reditum, iterum

moderatrix est nominata, quo munere ab anno 1932 usque ad annum 1940

functa est.

Cum sapientia quae ex absoluta oritur deditione difficultates obiit quae

graves se manifestaverunt cum bellum usque ad locum Talavera de la Reina

perveniret. A die 5 mensis Septembris anni 1936 usque ad diem 13 men-

sis Novembris anni 1939 ipsa eiusque communitas conventum relinquere

debuerunt, qui in valetudinarium mutatus est ad curandum in bello vul-

neratos iisque assidendum. Illo tempore profectio quarundam religiosarum

in Badajocium est decreta et Cointa favit illa in urbe scholae aperiendae.

Serva Dei audacter et firmiter pertinebat ad coetum - cui quodam tem-

pore etiam praefuit - qui unioni resistebat omnium Ordinis communitatum;

vexillum eius illo tempore fuit fidelitas primordiis atque traditioni. Eadem

audacia, tamen, atque ob veritatis amorem, postea lucem accipere valuit

quam Deus ei praebuit ut intellegeret, per aliarum rerum cognitionem atque

inter difficiles circumstantias, unionem illo tempore in Ordine atque in Ec-

clesia quaesitam voluntatem esse divinam. Haud respiciens reprehensiones

et incomprehensiones, tunc non dubitavit se retractare atque adhaerere,

scilicet mense Iunio anno 1941, illi proposito quod ante repugnaverat.

Hoc postremam eius vitae stationem significavit et ab illa arduam pos-

tulavit a communitate Talaverensi discessionem. In communitatem Sebas-

tianopolis missa est, ubi iam antea promotae mutationes effectae erant

atque ab anno 1921 ad Unionem pertinebat. Illo loco magna dedit exempla

humilitatis, quaedam ministeria adimplens licet corporis iam minueret robur,

bonitate semper splendens, comprehensione et patientia. Paucis annis eius

sanctitas cognita est ab illis qui cum ea adstabant et a sororibus quae eam

usque ad finem comitatae sunt.