85. De sancto Romano.

In 1. Vesperis.

Ad Magnificat.

A. O pater humilium,

Medela languentium,

Lima pravitatis,

Moestorum solatium,

Fidei praesidium,

Doctor veritatis,

Transfer nos ad gaudium,

In quo Dei filium

Vides cum beatis.

Ad Matutinum.

Invitatorium.

Aeternum trinumque Deum

laudemus et unum,

Qui sibi Romanum

tvansvexit ad aethera sanc-

tum.

In 1. Nocturno.

R esponsoria.

1. Clara stirpe ac regali

orta proles inclita,

Vernans mentis puritate

ac virtutum lampade,

Fulsit orbi velut stella

inter mundi lumina ;

V. Cujus ortum atque nomen

vox praedixit coelica,

Quod post sacri confirmavit

baptismatis gratia.

2. Exorant Rotomagenses

orbati pontifice,

Ut Romanus subrogetur

eorum ecclesiae,

Sic pontificali dignus

sublimatur apice ;

V. Favent rex et optimates

his petitionibus,

Erat enim vir perfectus

cunctis sanctis moribus.

3. O praeclare miles Christi

admirandi meriti,

Nasciturum genitori

quem praedixit angelus,

Ut ad regnum renascamur,

adjuva, perpetuum,

V. Ut quos terra culpa stratos

edidit miseriae,

Tua prece relevatos

reddas coeli gloriae.

In 2. Nocturno.

R esponsoria.

1. Felix pastor ac felici

praepollens munimine,

Regionem ne vastaret,

imperavit Sequanac,

Quae vicina occupabat

redundanti gurgite ;

V. Vir beatus mox ut jussit,

aqua sibi paruit

Ac artata in se suum

exitum compescuit.

2. Prope urbem fanum valde

civibus incommodum

Adventu suo destruxit

verus cultor fidei

Circumquaque nec non cuncta

conquassavit idola ;

V. Fana quoque Dei templa

dum solerter consecrat,

Animas deceptae plebis

sedes Dei praeparat.

3. O sidus pontificale,

vir misericordiae,

Exorando Christiani

vas restaura populi,

Vas quassatum qui chrismalis

reparasti olei ;

V. Templum Dei, quod in nobis

vitiis destruximus,

Tu restaura, pater sancte,

meritis et precibus.

In 3. Nocturno.

Responsoria.

1. Sacerdotum diadema,

viva Christi hostia,

Dextra Dei te orante

nos salvet et muniat,

Quam vidisti ad altare

offerens libamina ;

V. Designavit dextra visa,

ire te ad supera

Ac confestim sempiterna

coronari gloria.

2. Sacra fisus visione

sanctae Dei dexterac,

Praesul sanctus migraturum

sciens se ad Dominum,

Vocans clerum populumque

aperit oraculum:

V. Christus, inquit, cui servivi,

vocat me ad supera,

Ego sibi vos commendo

relinquens terrestria.

In Laudibus.

Antiphonae.

1. Te, Romane sacer,

Dominus praecinxit honore

Et fultus vita

viris in arce poli.

2. Jam jubilate Deo

talem laudando patronum

Et vobis festum

hunc celebrate diem.

3. Ob laudem Domini

vigilavit nocte dieque

Et sitiit Christum

semper adire Deum.

4. Ecce tuis, Abraham,

gremiis gaudenter inhaeret

Et coeli regem

nunc benedicit ovans.

5. Ergo Deum coeli

cuncti laudate benigni,

Qui vobis talem

cessit adesse patrem.

Ad Benedictus.

A. Pastor clemens,

viva Dei hostia,

Sancta Dei dextera

Tua prece gloriosa

nos salvet et muniat,

Quam vidisti ad altare

offerens libamina.

In 2. Vesperis.

Ad Magnificat.

A. Decus omne, nunc, Romane,

confessor egregie,

Vota precum famulorum

dignare suscipere,

Ut tuis redemptor orbis

assiduis precibus

Nos purgatos a peccatis

jungat coeli civibus.