83. De sancto Laurentio.

In 1. Vesperis.
Antiphonae.

1. Martyr Dei Laurentius
Non ense praecinxit latus,
Tamen vicit diabolum
Superbia praetumidum.

2. Tam nobilis victoria
In sanctis Christi fulgida
Humilitate discitur,
Caritate perficitur.

3. Haec animum Laurentii
Perstrinxit igne fidei,
Non sentire pericula
Adustae carnis gravia.

4. Per hanc triumphant martyres
Caelestis aulae consules,
Haec cunctos iungit Domino
Dei patris in solio.
5. Haec nos choris caelestibus
Conciliet operibus,
iesu duce Laurentio
Fruituros perpetuo.
R. Martyr odorose,

rosa vernans, pugil speciose,
Munere digne Dei,

laus es istius diei,
Victor ubi gaudes,

Cantant caeli agmina laudes,
V. Nomen habes lauri,

purgati fulgor es auri.