Acta Apostolicae Sedis - Commentarium Officiale246

tarum monasterii Sanctae Mariae ad Pontes Rubros, ubi corpus Matris Ma-

riae Iosephinae a Iesu Crucifixo sepultum est, divinum auxilium per inter-

cessionem eiusdem Servae Dei invocare coeperunt. A die 24 mensis Iunii

Franciscus insperate convalescere coepit, nec postea aliae convulsiones oc-

currerunt, sicut et eadem organa sensoria mire integra apparuerunt. Et cum

valetudo eius exinde rapide ac constanter profecisset, die 5 insequentis men-

sis Iulii puer e nosocomio dimissus est.

De hac extemplo mira aestimata sanatione annis 2004-2005 apud Curiam

Archidioecesis Neapolitanae Inquisitio dioecesana celebrata est, cuius aucto-

ritas et vis iuridica a Congregatione de Causis Sanctorum probatae sunt.

Dicasteri Consilium Medicorum in sessione diei 27 mensis Aprilis anno 2006

sanationem rapidam, completam, duraturam et inexplicabilem secundum

scientiam medicam ob celeritatem resolutionis et totalem effectuum infir-

mantium absentiam fuisse affirmavit. Die 1 mensis Decembris eiusdem anni

Congressus Peculiaris Consultorum Theologorum factus est et die 15 mensis

Maii huius anni 2007 Sessio Ordinaria Patrum Cardinalium et Episcoporum,

Ponente Causae Exc.mo Domino Xaverio Echevarrı́a Rodrı́guez, Episcopo

titulari Cilibiensi. Et in utroque Coetu, sive Consultorum sive Cardinalium et

Episcoporum, posito dubio an de miraculo divinitus patrato constaret, re-

sponsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Mariae Iosephinae a Iesu Crucifixo (in saec.: Iosephinae Catanea),

Monialis professae Ordinis Carmelitarum Discalceatarum, videlicet de rapida,

completa ac duratura sanatione infantis Francisci Natale a « grave encefalite in

neonato di due mesi con pregressa asfissia perinatale, con sindrome convulsiva

prolungata, stato di shock e marcata compromissione generale ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 17 mensis Decembris A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis