Acta Apostolicae Sedis - Commentarium Officiale766

menta ministrent et fideles in Scripturis authentice cognoscendis instituant.

Diaconi quoque ad sociatam operam conferendam in hoc evangelizationis

officium se vocari pro cuiusque missione animadvertant.

In omnibus Ecclesiae annalibus vita consecrata ob facultatem sibi hoc

munus nuntiandi ac praedicandi Verbi Dei palam sumendi splendet, in

missione ad gentes et difficilioribus rerum adiunctis, pro novis etiam evange-

lizationis condicionibus, dum studiose animoseque nova curricula novaeque

provocationes ad Dei Verbum efficaciter nuntiandum suscipiuntur.316

Laici demum ad suum propheticum sustinendum munus vocantur, quod

directe a baptismo oritur, ut Evangelium in cotidiana vita, in quovis loco

sunt, testificentur. Hac de re Patres synodales optaverunt « suae sensa aesti-

mationis et gratos exprimentes animos confirmare tot laicorum, praesertim

mulierum, qui evangelizationi inserviunt munifice seduloque in communita-

tibus toto orbe terrarum dispersis, Mariam Magdalenam imitantes, quae

prima fuit resurrectionis laetissima testis ».317 Synodus insuper grato animo

agnoscit motus ecclesiales et novas communitates in Ecclesia validum impe-

tum ad evangelizandum nostra in aetate constituere et ad novas Evangelium

nuntiandi formas explicandas compellere.318

Necessitas «missionis ad gentes »

95. Cum omnes fideles ad divinum Verbum nuntiandum cohortarentur,

synodales Patres necessitatem nostro quoque tempore confirmarunt in mis-

sione ad gentes animose operandi. Nullo pacto sese continere potest Ecclesia in

pastorali quadam opera « servandi » eos qui iam Christi Evangelium noverunt.

Missionale studium manifestum est signum maturitatis communitatis eccle-

sialis. Patres porro fortiter se conscios dixerunt Dei Verbum veritatem esse

salvificam, qua quisque homo cunctis temporibus indiget. Quapropter nuntius

manifestus debet esse. Cunctis per Spiritus vim Ecclesia obviam ire debet

(cfr. 1 Cor 2, 5) atque prophetice perseverare in tuendo iure personarumque

libertate Verbum Dei audiendi, efficaciora quaerens instrumenta ad illud

proclamandum, periculum etiam adiens persecutionis.319 Universis quidem

se salutiferum Verbum nuntiare debere (cfr. Rom 1, 14) animadvertit Ecclesia.

316 Cfr. Congregatio pro Institutis vitae consecratae et Societatibus vitae apostolicae,

Instr. Contemplando il volto (19 Maii 2002), 36: Ench. Vat. 21, n. 488-491. 317 Propositio 30. 318 Cfr. Propositio 38. 319 Cfr. Propositio 49.