1084 Acta Apostolicae Sedis - Commentarium Officiale

mulier maximae humilitatis, profundissimae fidei, operas quam humillimas

gravissimosque labores libenter accepit.

Anno 1903 Praeposita Missionis Lul facta est, quae Missio valde longin-

qua ac ultima est in regione quae Nubia meridionalis appellatur; post paucos

menses attamen, laboribus defatigata necnon palustribus febribus defessa,

Soror Maria Iosepha die 1 mensis Septembris anno 1903 e vita excessit.

Ex sanctitatis fama a die 14 mensis Septembris anno 2001 ad diem 1

mensis Martii anno 2002 apud Curiam ecclesiasticam Veronensem dioece-

sana Inquisitio super vita et virtutibus celebrata est, cuius iuridica aucto-

ritas ab hac Congregatione die 21 mensis Februarii anno 2003 probata est.

Congressus Consultorum historicorum die 15 mensis Decembris anno 2009

actus est. Positione parata die 5 mensis Maii anno 2013 Peculiaris Congres-

sus Consultorum Theologorum feliciter actus est. Patres Cardinales atque

Episcopi die 20 mensis Maii anno 2014 in Ordinaria Sessione cui egomet,

Card. Angelus Amato, praefui Servam Dei virtutes theologales, cardinales

eisque adnexas in gradu heroico coluisse cognoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei Ma-

riae Iosephae Scandola, Sororis Professae Sororum Missionariarum Piarum

Matrum Nigritiae, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 12 mensis Iunii a.D. 2014.

angelus card. amato, s.d.B. Praefectus

L. G S.

G marcellus Bartolucci

Archiep. tit. Mevaniensis, a Secretis