84 Acta Apostolicæ Sedis - Commentarium Officiale

Sebastianopoli die 17 mensis Ianuarii anno 1954 pie in Domino obdor-

mivit. Accepta notitia, multae perveniebant scriptae testificationes quae

sensum communem exprimebant de eius vitae sanctitate. Ex eius testimo-

nio omnes intellexerunt amorem esse illud quod homines sanctos reddit,

quod mundo in illis verum Dei vultum reperire sinit. In vita quotidiana,

in simplicibus cuiusque diei gestibus ea religiosa extraordinaria fuit. Multi

coeperunt se ei committere atque sentire eius intercessione se adiutos.

Hanc ob rem, die 7 mensis Ianuarii anno 1982 Causa est incohata. Annis

1982-1983 apud Curiam Episcopalem Sancti Sebastiani Processus celebratus

est, qui die 21 mensis Decembris anno 1984 per Decretum de validitate

approbatus est ab hac Congregatione de Causis Sanctorum. Positione parata,

iuxta consuetam formam excussum est an Serva Dei virtutes in gradu heroico

exercuisset. Die 8 mensis Octobris anno 2013 felici cum exitu Congressus

Consultorum Theologorum habitus est. Patres Cardinales et Episcopi in

Sessione Ordinaria die 20 mensis Ianuarii anno 2015 congregati, me Angelo

Cardinale Amato moderante, edixerunt Servam Dei heroico modo virtutes

theologales, cardinales iisque adnexas excoluisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servae Dei Cointae

Já uregui Osés, Religiosae Professae Ordinis Societatis Mariae Dominae Nos-

trae, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 22 mensis Ianuarii a.D. 2015.

AnGeluS CArD. AmAto, S.D.b. Praefectus

L. G S.

G mArCelluS bArtoluCCI Archiep. tit. Mevaniensis, a Secretis