86 IANUEN.

rum paroeciis plus minusve obtinere, quin crux Regularium elata eas aut impediat aut modifìcet.

Praeterea, notat Orator, diversas funerum classes non obstare, quia si Defuncti haeredes funus secundae classis v. g. expetunt parocho, ille numerum Sacerdotum secundae classi convenientem, iuxta assertam suam consuetudinem determinabit, et deinde haeredes numerum Fratrum , non tamen maiorem, ad vocabunt.

Ceterum advertit Procurator, sane haeredibus semper integrum esse, ad funus invitare Religiosos, quare notissi- simae sunt hac de re Sedis Apostolicae decisiones. Sic, in una Senarum, diei 7 Dec. 1641, S. Ri t . C. statuit: « In arbitrio haeredum residere numerum Regularium qui fu- neri intervenire debent, non autem in voluntate Parocho- rum, non obstante Decreto Synodali ». Et S. C. Episc, et Regul. die 16 Dec. 1729 decrevit, in una Carmelitarum, ad funera vocari posse Fratres ab haeredibus absque scien- tia Parochi, Parochum etsi inscium non posse eosdem re- pellere, imo eumdem iisdem commodum praestare debere ad Missas in ecclesia parochiali, praesente cadavere, legendas.

Synodalem vero praescriptionem quod attinet, Procurator opinatur ipsis favorabile esse decretum in quo edicitur: « Quod si defuncti haeres , aut is qui funus curat plures clericos saeculares accersire voluerit, eius voluntas omnino servetur. Si tamen in oppido non adsint clerici saeculares, vel quotquot sunt vocati s int , in arbitrio haeredum erit accersire quotquot voluerint Regulares , verum de loci ta- men familia ».

Demum, explicans testium agmen, Procurator prae pri- mis notat, quod Ianuensis FF . Min. Cappucinorum Provin- cia quinque, praeter Clavarensem, complectitur Dioeceses : Ianuensem scilicet, Savonen. , Albinganen., Sarzanen. et Ventimilien. - Porro, in documentis consuetudinem Cap- pucinorum attestantur Curiae Ventimilien., Curiae Albin- ganen ., Curiae Sarzanen. Limen. Brugniaten. et Curiae Savonen.