86. De sancto Udalrico.

In 1. Vesperis.

Ad Magnificat.

A. Inclita devotis

colimus solemnia votis

Patris Udalrici,

divinae legis amici,

Cujus opes nactus,

dum vox transivit In actus,

Dogmatis argentum

cumulat simplumque talentum

Sed tulit Istarum

secum lucra divitiarum,

Cum sibi tantorum

laus adscribatur bonorum,

Quot per eum nati

Christo meruere beati;

Ergo sui memores,

meritis licet Inferiores,

Hujus amore precum,

Deus, annue vivere tecum.

Ad Matutinum.

Invitatorium.

Eegis ut Intremus

requiem, vigilando rogemus,

Qui te siderea

locat, Udalrice, cathedra.

In 1. Nocturno.

Antiphonae.

1. Lignum, vivarum

quod nutrit cursus aquarum,

Exstat Udalricus

tollens super aethera fructus.

2. Hic specula dignus

Sion arcis, prece benignus,

Qua via divinam

cavet, orbi praedicat, Iram.

3. Gloria vera, salus,

susceptor tu, Deus, ejus,

Ipsum magnificando,

justificando, vocando.

4. Victima justitiae

mactans cor tollitur Iste

Ad requiem Christum,

sibi qui pax est In Idipsum.

5. Clamans hic orat,

Deus, ad te, rex, et adorat,

Mane sed auditur,

dum post mortem redimitur.

6. Lunae stellarum

fundator et ecclesiarum

Coelos ornavit,

quia sanctis hunc sociavit.

Eesponsoria.

1. Transitus ad portum,

qui vitae continet hortum,

Splendet Udalrici,

praesidis angelici;

V. Ista dies celebris

nullis turbanda tenebris.

2. Nobilibus natus

genitoribus Iste beatus,

Stirpis In ornatum

crevit virtute probatum,

V. Spe redolens morum

post cunctis replacitorum.

3. Hic solido verbi

firmandus pane superni

Uberibus matris

jussu rapitur deitatis,

V. Necibus Infantis

cor summa resolvat amantis.

4. Forma sacerdotum,

populum baptismate lotum

Redde creatori

placido, pater alme, nitori,

V. Sponso mundarum

ne displiceant animarum.

In 2. Nocturno.

Antiphonae.

1. Vera loquens nullique nocens

operatur ad omnes,

Quae bona sunt, In te,

Jesu requiescit et Ipse.

2. Ut petiit semper,

tenet exsultans vehementer

Vitain. quae Deus est,

praeter quam vivere mors est.

3. Corde, manu mundus

Deum sequitur sitibundus,

Cujus amor satiat

nec fastidiat satiatus.

4. Lucis ut In verae

radiis cor possit habere,

Purior accedit,

qua mors et vox sibi cedit.

5. Exsultat collis,

pinguescit germine vallis,

Hujus doctrina

dum plebs fit messis opima.

6. Palma triumphanti,

cedrus superis Inhianti

Conveniunt Isti

praeclaro munere Christi

Responsoria.

1. Jam pueri flores

spirant virtutis odores,

Dum sibi nosse datur,

quia plebis dux habebatur ;

V. Non minor hic Josue

praescitus cum Gedeone.

2. Omnibus acceptus

pater est hic culmen adeptus,

Ut regat Augustam

sua per documentavenustam;

V. Coelitus eligitur

praesul et Instruitur.

3. Dum sacra perpetuae

celebrat mysteria vitae,

Quae pia vota paret,

super Ipsum dextera daret,

V. Unde gubernatur,

quod et ejus vis operatur.

4. Haec super aegrotis

fuerat sibi gratia totis,

Pro fidei trutina

quod nemo caret medicina

V. Credulus ac credens,

ita gaudet quisque recedens.

In 3. Nocturno.

Ad Cantica.

A. O pater Udalrice, tuis

miseratus adesto

Indignis famulis

multum sperantibus In te,

Ut vitam per te

mereamur habere perennem

Responsoria.

1. Civibus Iste sacra

superis duce jungitur astra,

Qua videt Interna

facie secreta superna;

V. Petrus adest magno

coeli comitante senatu.

2. Thesaurus operum

dives plenusque dierum

Post hoc exsilium

pater hic adiit paradisum

V. Deposita carnis

mole premente gravis.

3. Laus tibi, formator

rerum pius et dominator,

Hunc qui de portis

dignaris solvere mortis,

V. Ut te collaudet

Sion In portis, ubi gaudet.

4. Praesul sancte Dei,

precibus dignare tueri

Nos tua laudantes

praeconia teque rogantes,

Ut veniae detur

spatium nec vita negetur:

V. Obtineas miseris

quorum spes magna teneris.

Ad Laudes.

Antiphonae.

1. Christe, tibi gratum

genitrix clarissima natum

Gignit Udalricum

Dietbirgis In urbe colendum.

2. Hunc fore sacra virum

monstrant praesagia virum,

Dum puero fantur

juvenemque dona sequantur.

3. Fungitur ergo gregis

cura vigilante fidelis,

Ora malignorum

fugat a quo dira luporum.

4. Doctrina triplici

commisso vixit ovili,

Actibus et dictis

revocans incredula signis,

5. Iste vocante Deo

pater exit, ut in jubilaeo

Carnis ab obsequio

victurus liber in aevo.

Ad Benedictus.

A. Clarus in istarum

caligine vir tenebrarum,

Dum micat astrorum

non impar lumine morum,

Pascitur auctore

stillantis gaudia rore,

Donec in extremo

satietur sole supremo.

In 2. Vesperis.

Ad Magnificat.

A. Vespera lucescit,

quae noctis nubila nescit,

Haec requiem praestat

postquam nil flebile restat,

Mane sed aeternum

radiat regnumque supernum ;

Vespere, mane stolam

primam notat atque secun-

dam ;

Praesul Udalricus,

quibus in te speque potitus,

Nos pius indignos

illis faciat prece dignos.

S7. De sancta Ursnla.

In 1. Vesperis.

Antiphonae.

1. Gaudeat ecclesia,

Quam tot natalitia

Virginum fecundant,

Insignes victoriae

Fragiles militiae

Faciunt jucundam.

2. Quid In Istis nisi chorum

Videas castrorum,

Quae non norunt viri thorum

Hostes vitiorum.

3. In odore tuo, Christe,

Sic ad poenas currunt istae,

Ut quasi deliciis

Gaudeant suppliciis.

4. Gustaverunt et viderunt,

Quod dulcis es Domine,

Et libenter Impenderunt

Se pro tuo nomine.

5. Jesu, salus humilium,

Sanctarum prece virginum

Ipsarum ad consortium

Junge nos In perpetuum.

R. O felices virgines

Hunnorum victrices,

Quibus dum ad sanguinem

Usque restitistis,

Oleo non vacuae

Nec segnes ut fatuae

Ad coelestes nuptias

Simul Introistis.

V. O beatae, quae repente

Cum clamore veniente

Domino paratae.

Ad Magnificat.

A. O felix Germania,

Tam decoro germine

Virginum ornata,

Beata Colonia,

Pretioso sanguine

Martyrum dotata,

Vere juste tu laetaris,

Quae thesauro super aurum

Nobili ditaris.

In 1. Nocturno.

Antiphonae.

1. Nova bella virginum

Dominus elegit,

Ab extremis hominum

Quas sibi collegit.

2. Pugnant sexu fragiles

Coelitus imbutae

Sed Insuperabiles

Fidei virtute.

3. Beata militia,

Quae pro rege gloriae

De mundi malitia

Triumphavit hodie.

Responsoria.

1. Deonoto fuit nata

Placens Deo, cunctis grata,

Ursula regalis,

Cujus mirae speciei,

Plus mirandae fidei

Non erat aequalis;

V. Regi magno pulchra nimis

Desponsatur, cum Instatur

Precibus et minis.

2. Virgo desiderium

Habens castitatis,

Meditatur et miratur

Rem quasi mysterium

Suae voluntatis,

V. Deo secum disponente,

Quod tractabat firma mente.

3. Apparatu navium

Decenter expleto

Ad salutis bravium

Omnes cursu laeto

Virgines anhelant

Nec quod votis gestiant,

Aliis revelant.

V. Ludere se simulant,

Pelago vagantur,

Invicem se stimulant,

Pariter hortantur.

In 2. Nocturno.

Antiphonae.

1. Non armis sed animis

Istas bellatrices

Efficit unanimis

Gratia victrices.

2. Fortiores hostibus

Feminae fuerunt,

Quae contemptis omnibus

Omnia vicerunt.

3. Unus enim spiritus

Acies coelestes

Fidei divinitus

Adunavit testes.

Responsoria.

1. Visiones Ursulae

Coelitus ostensae,

Sacramento credulae

Simul inoffensae

Agone percurso

Confidunt participes

Fieri coronae,

V. Caritate vulneratae

Mori Christo sunt paratae.

2. Oportuni temporis

Fit hora captata,

Terga findit aequoris

Juventus optata,

Datis vento ratibus

Et velis in flatis

V. Advehuntur litori,

Quo se Rhenus aequori

Screnus Infundit.

3. Sanctis Romae visitatis

Repetunt Germaniam,

Ubi cunctis jam vastatis

Hunnorum Insaniam

Infusam reperiunt,

Insuper Coloniam

Hostibus Inclusam.

V. Mira saevit vastitas,

His In malis virginalis

Non formidat castitas.

In 3. Nocturno.

Antiphonae.

1. Sponsi currit In odore

Jucunda societas,

Quam attraxit ex amore

Praegustata suavitas.

2. Ut rosae tot milia

Rutilant cruore

Et florent ut lilia

Niveo candore.

3. His coelestis paradisus

Adornata floribus

Angelorum mulcet visus,.

Delectat odoribus.

Responsoria.

1. Ad locum certaminis

Ductu Rheni fluminis

Subito ferantur,

Datae porcis margaritae.

Lupis oves non invitae

Passim feriuntur.

V. Felix locus tam decora

Quem sacrarunt corpora.

2. Isti flores hodie

De terra succisi

Complantati liliis

Virent In deliciis

Florum paradisi,

V. Electus ex millibus

Inter Illa pascitur

Lilia dilectus.

3. O coelestis aulae rosae,

Super solem speciosae,

Cum dilecto repausantes,

Sublevate nos laudantes

Ad aeterna gaudia.

V. Omnis homo martyrum

Sentiat auxilium.

Ad Laudes.

Antiphonae.

1. Digne gaudent homines,

Angeli lactantur,

Dum victrices virgines

Coelo coronantur.

2. Istae regi gloriae

Carae margaritae

Inventae sunt hodie

Longius quaesitae.

3. Quae dum piis mentitus

Oleum sumpserunt,

Sponso cum prudentibus

Obviam Iverunt.

4. Muliebrem ad ornatum

Mundum acceperunt

Et ad verum et beatum

Regem Intraverunt.

5. Istarum collegio

Coeli vernat regio,

Fulcitur ecclesia,

Paradisus fraglat,

Mundus redimitur.

Ad Benedictus.

A. Benedictus rex gloriae,

Qui palmam victoriae

Dedisti fragilibus

Et tecum sine viribus

Vincere fecisti

Daemonis virtutem,

Quare piis precibus

Nobis supplicantibus

Tribuas salutem.

Ad Horas.

Ad Primam.

A. Sol novus ab Insula

Surgit occidentis,

Dum virtutum Ursula

Fulget Incrementis.

Ad Tertiam.

A. O quam pulchrae virginun

Casta generatio,

Quam actoris criminum

Non vicit exactio.

Ad Sextam.

A. Hae puellae regiae

Sponsae commensales,

Agni tympanistriae,

Angelis aequales.

Ad Nonam.

A. Hi sunt flores venustatis,

Quos spirantes gratiae

Ver et aestas caritatis

Produxerunt hodie.

In 2. Vesperis.

Ad Magnificat.

A. Insignes athletae,

Quae per patientiam

Hominum potentiam

Hodie vicistis

Et comprehendistis

Bravium coronae;

Nobis subvenite

Adhuc In hujus vitae

Positis agone.