Quinquagena III.

101. Ave, mater nobilem

Gignens pelicanum,
Qui genus per sanguinem

Salvavit humanum,
Tibi acceptabilem

Fac et mente sanum
Me nec despicabilem

Quasi publicanum.

102. Ave, o puerpera

Virgo digna dici,
Christo praebens ubera

Pectoris pudici,
Peto, mater tenera,

A te benedici,
Ne laedar per effera

Tela inimici.

103. Ave, sapientiae

Mater veneranda,
Infernali bestiae

Iuste formidanda,
Mihi venerantiae

Cultu honoranda
Et cunctis ecclesiae

Filiis amanda.

104. Ave, regnans domina

In creatis cunctis,
Praetans consolamina

Chrismate inunctis,
Aufer cruciamina

Meis a defunctis,
Mihi per ligamina

Naturae coniunctis.

105. Ave, stella radium

Sumens ab aeterno
Sole ae consortium

In regno superno,
Petens patrocinium

Mente me prosterno,
Ut me in perpetuum

Praeserves ab inferno.

106. Ave, deviantium

Prudens reparatrix,
Nam Dei et hominum

Tu es mediatrix,
Cordibus maerentium

Sis auxiliatrix
Ac poenas luentium

Reconciliatrix.

107. Ave, quae primordia

Genealogiae
Nacta stirpe regia,

O mater Messiae,
Unde summa studia

Te, mater sopbiae,
Laudant cum concordia

Dulcis symphoniae.

108. Ave, o tutissime

Miserorum portus,
Tu quoque verissime
Es conclusus hortus,

Quo mirabilissime
Mundo flos est ortus,

A Iudaeis pessime
Qui est cruce tortus.

109. Ave, virga Aaron,

Flore quae ornaris,
Cui homousion

Nomen, unde faris
Debite theotocon,

Quia Deum paris,
Servos tuos de Sion

Semper tuearis.

110. Ave, caelo altior

Tua dignitate,
Omni terra latior

Plena caritate,
Abysso profundior

In humilitate,
Cunctis sanctis sanctior

Tua sanctitate.

111. Ave, indulgentiae

Virgo felix porta,
Per quam lux iustitiae

Nobis est exorta,
Tuis dona gratiae

Famulis reporta,
Nostrae neglegentiae

Corrigens distorta.

112. Ave, mater inclita

Nostri redemtoris,
Collaudanda debita

Laude cunctis horis,
Fomitem debilita

Mei peccatoris,
Ne trahar ad vetita

Lege creatoris.

113. Ave, vena putei,

Ex quo hauriuntur
Sacramenta fidei,

Quibus imbuuntur
Devotorum cunei

Atque absolvuntur,
Fac nos illic invehi,

Sancti quo ponuntur.

114. Ave, sanctuarium

Deprecationis,
Quo datur solacium

Exauditionis
Tentis per supplicium

Umbrae regionis
Mortis per praesidium

Absolutionis.

115. Ave, prudens, humilis,

Suavis et decora,
Hostibus terribilis,

Splendens ut aurora,
Mundans nos piaculis

Gratiam irrora
Ac solutos vinculis

Per ad caeli fora.

11G. Ave, quam plebecula

Christianitatis
Mente laudat sedula

Matrem veritatis,
Cuncta aufer scandala

Meae pravitatis,
Ut iungar per saecula

Beatificatis.

117. Ave, mons immobilis

Monsque singularis,
Qui divini spiculis

Solis radiaris,
De te venit nobilis

Lapis angularis,
Unde a christicolis

Iure veneraris.

118. Ave, plena gratia,

Spes desperatorum,
Sanctorum laetitia,

Vita beatorum,
Me ab immunditia

Facito decorum
Ducens in consortia

Tibi devotorum.

119. Ave, quae angelica
Voce salutaris
Atque evangelica
Laude praedicaris,

Mentem suavifica
Meam, stella maris,

Fractam vi satanica
Fletibus amaris.

120. Ave, Sion filia

Genetrixque Dei,
Petentes auxilia

Ad quam currunt rei,
Meae post excidia

Extremae diei
Mihi des subsidia

Miserendo mei.

121. Ave, pax concordium,

Ave, maris stella,
Caius luce criminum

Sedatur procella,
Pro nobis ad filium

Clemens interpella,
Temporum praesentium

Auferat ut bella.

122. Ave, caelos habitans

O divina turtur,
Cuius odim modulans

Mulsit Christum guttur,
Depelle tabificans

Vitiorum furfur,
Ne feram exterminans

Inimici murmur.

123. Ave, nubes gratiae

Pluviis abundans,
Mundum hunc iustitiae

Fructibus circumdans,
Esto sapientiae

Stillis nos inundans,
Nostrae conscientiae

Squalida expugnans.

124. Ave, sicca virgula

Aaron levitae,
Proferens amygdala,

Lignum quoque vitae,
Da cuncta piacula

Sic vitemus rite,
Ne post mundi saecula

Audiamus: Ite.

125. Ave, consolatio

Animae maerentis,
Cordis desiderio

Animae lugentis,
Da in purgatorio

Omnibus detentis
Levamen suffragio
Tuo a tormentis.

126. Ave, stirps Iesseica

Pulchram gignens florem,
Cuius mundi fabrica

Gaudet ob decorem,
In me reaedifica

Fracta per errorem
Sicque tibi adplica

Purum per amorem.

127. Ave, vitis gratiae

Fundens nobis vina,
Pelluntur maestitiae

Quibus vi divina,
Precibus ecclesiae

Auditum inclina,
Quae turbatur varie

Fraude zabolina.

128. Ave, virga Iessea

Miro pollens flore,
Caelica et terrea

Qui replet odore,
O Mater virginea,

Tuo pro honore
Corda nosta ruscea

Purges a foetore.

129. Ave, o triclinium

Dei singulare,
Cuius patrocinium

Conor implorare,
Ut per purgatorium

Tentos adiuvare
Digneris et crudum

Ipsorum levare.

130. Ave, caeli Ulium,
Ave, mater Dei,
Exemplar humilium,
Robur meae spei,

Mihi des auxilium
Miserendo mei,

Ne cogar exsilium
Sustinere rei.

131. Ave, ante saeculum

Filias quam Dei
Elegit in thalamum

Suae requiei,
Prece tua scandalum

Aufer cordis mei,
Per amoris vinculum

Ut coniungar ei.

132. Ave, lux ecclesiae,

Ave, virens vitis,
Potum dans laetitiae

Animo unitis,
Scandalum discordiae

Tolle, mater mitis,
Satum per malitiae

Regem atque litis.

133. Ave, prae sideribus

Rutilans aurora,
Mare mundi nantibus

Tu salutis prora,
Tibi famulantibus

Gratiam implora
Et succurre precibus

Nobis mortis hora.

134. Ave, patens oppidum

Nostro redemptori,
Largiens hospitium

Carnis eius flori,
Praebeas solacium

Tuo laudatori,
Vim repellens hostium,

Cum continget mori.

135. Ave, amoenissimum

Domini conclave,
Cui per archangelum

Destinavit Ave,
Concinentem famulum

Carmen hoc suave
Conserves in saeculum

Inferorum a vae.

136. Ave, domus aurea

Summi Salomonis
Et fiscella scirpea

Dei Pharaonis,
O turris eburnea

Praefulcita thronis,
Arce tela ignea

Dei Babylonis.

137. Ave, venerabilis

Caelo, terrae, mari,
Quam cum sanctis angelis

Glisco venerari,
Quorum me oraculis

Tuisque solari
Peto, ut caelicolis

Queam sociari.

138. Ave, nauigantium

Portus salutaris
Ipsis dans praesidium

Velut stella maris,
Largire solacium,

Parens expers paris,
Omnium flebilium

Fletibus amaris.

139. Ave, caeli viola,
Nam humilitatis
Omnibus es regula

Et benignitatis,
Cordis mei scandala

Tolle cum peccatis
Iungens me per saecula
Beatificatis.

140. Ave, tabernaculum

Foederis divini,
Quo sumunt umbraculum

Mente columbini,
Sume sacrificium

Cultus vespertini,
Dictum per servitium

Tui inquilini.

141. Ave, prophetantium
Typus et figura
Et de te narrantium
Multa profutura,

Sis peregrinantium

Semita secura,
Ducens nos ad bravium

Bonaque futura.

142. Ave, aula regia

Summi creatoris,
Cuius privilegia

Resonant in choris,
Adesto, egregia,

Mihi cunctis horis,
Ne vexer inergia

Fraude deceptoris.

143. Ave, Hesther precibus

Salvans Mardochaeum,
Tu funda lapidibus

Sternens Philistaeum,
Munda plenum sordibus,

Deprecor, cor meum,
Abigens a finibus

Eius Iebusaeum.

144. Ave, quam hoc carmine

Conor exaltare,
In eaelorum culmine

Quam credo regnare,
Tuo da iuvamine

Hostem superare,
Ut sine gravamine

Queam te laudare.

145. Ave, o deifica

Genetrix Maria,
Gratia magnifica,

Sapiens et pia,
Laudantes poetica

Hac te melodia
Ab omni salvifica

Mentis dyscrasia.

146. Ave, quae in dextera

Nati iucundaris
Et eius laetissima

Vultum contemplaris,
Serva nos, dulcissima,

A casibus amaris,
A quibus promptissima

Mente collaudans.

147. Ave, miris laudibus

Sacris in scripturis
Laudata et vocibus

Vatum et figuris,
His te odis mentibus

Venerantes puris
Serves a presentibus

Malis et futuris.

148. Ave, quam devotius

Virginum cborea
Sequitur cum laudibus

In caeli platea,
Me digneris ocius,

O dilecta mea,
Mundare a sordibus

Mentisque morphea.

149. Ave, Christi Domini

Genetrix beata
Et mortali homini

In patronam data,
Laus haec tuo nomini

Sancto decantata
Vota nostra numini

Summo reddat grata.

150. Ave, cui per cymbala

Mentisque conamen
Istud mente sedula

Cecini dictamen,
Aufer cuncta scandala

Culpaeque ligamen,
Salvans me per saecula

Saeculorum. Amen.