Acta Francisci Pp. 397

sermonem. Corpus significationibus quas Deus creans in illud immittere

voluit « transformatur in sermonem sacramenti ministrorum, qui conscii

sunt in coniugali foedere mysterium manifestari et perfici ».242

214. Interdum sponsi haud percipiunt theologicum spiritaleque pondus

consensus, qui omnium subsequentium gestuum significationem illuminat.

Necesse est patefacere haec verba ad praesens reduci non posse; ea totum

quiddam complecti futurum tempus includens: « donec mors eos separaverit ».

Consensus significatio ostendit « libertatem et fidelitatem minime obsistere,

quae immo potius mutuo se sustinent, tam in vinculis personarum quam

in socialibus necessitudinibus. Revera, cogitemus de damnis quae efficit in

communicationis globalis cultu promissionum non perfectarum nimietas […].

Fides data eaque servanda, promissioni fidelitas emi aut venire nequeunt.

Vi imponi non possunt, ne custodiri quidem sine sacrificio ».243

215. Episcopi Keniae asseruerunt: « Nimis in nuptiarum diem intenti,

sponsi obliviscuntur se paraturos ad munus quod cunctam per vitam pro-

ducitur ».244 Adiuvandi sunt ut intellegant sacramentum haud esse tantum

momentum quod proinde ad praeteritum et memorias remittitur, quoniam

perpetuo incidit in cunctam matrimonialem vitam.245 Procreativus sensus

sexualitatis, corporis sermo gestusque amoris qui in historia coniugum ser-

vantur, « continuatio sine intermissione liturgici sermonis » fiunt et « vita

coniugalis quodam sensu fit liturgia ».246

216. Per Biblia legenda meditari etiam possumus et locupletare intellec-

tionem significationis anulorum qui mutuo donantur, vel aliorum signorum

quae ad ritum pertinent. Sed bonum non esset si ad matrimonium acce-

derent, nulla antehac simul facta precatione, cum alter pro altero a Deo

auxilium posceret ut fideles essent et magnanimi, una simul a Deo exqui-

rentes quid Ipse ab iis exspectaret, praeterea amorem suum consecrantes

coram Virginis Mariae imagine. Qui eos comitantur ad matrimonium acces-

suros, sic eos dirigere debent ut vivere valeant orationis tempora quae iis

valde prodesse possunt. « Liturgia nuptialis est eventus unicus, qui vivitur

in ambitu familiari socialique festo. Primum signorum Iesu factum est in

242 ioannES pauluS ii, Catechesis (27 Iunii 1984), 4: Insegnamenti VII, 1 (1984), 1941. 243 Catechesis (21 Octobris 2015): L'Osservatore Romano, 22 Octobris 2015, p. 12. 244 confErEntia EpiScopaliS KEniaE, Nuntius Quadragesimalis, 18 Februarii 2015. 245 Cfr piuS Xi, Litt. Enc. Casti connubii (31 Decembris 1930), 42: AAS 22 (1930), 583. 246 ioannES pauluS ii, Catechesis (4 Iulii 1984), 3.6: Insegnamenti VII, 2 (1984), 9.10.